Dit is met ’n baie swaar en seer hart dat ek Bronberger-lesers moet meedeel dat ons geliefde Gerhard Kleijn skielik op 14 April oorlede is.

Dit het op die nipper in spertyd van hierdie uitgawe van Die Bronberger gebeur. Hy kon dus ongelukkig nie hierdie ‘kommentaar’ deel skryf nie.

In die volgende Bronberger sal ’n huldeblyk geplaas word.

Namens Angie bedank ek almal wat met boodskappe en oproepe vir haar ondersteun. Dankie vir al die oorvloedige liefde.

Daar sal op Die Bronberger se Facebook-blad besonderhede aangekondig word rakende die begrafnisreëlings.

Esperance Grobler