Martin van Vuuren van Rayton:
Net ’n ou briefie vir ’n baie sensitiewe saak. Gemeenskap-euwels. Asseblief mense, moenie vir die bedelaars geld gee nie. Soos maatskaplike dienste ook al lankal vra. Meestal word dit vir gewoontevormende goed gebruik. En as julle weet van dwelmhuise, laat weet SAPD Cullinan en as hulle nie wil help nie, kontak die Valke.

Hierdie doellose mense in die strate, veral op ’n klein dorp soos Rayton, is baie opvallend vir voornemende besighede en kopers. Dankie, as ons saamwerk kan ons die mense help en die gemeenskap ’n veiliger plek maak.