Sy het die skoonheid van die enkelstaande madeliefie in haar tuin bewonder toe sy nader kyk en ’n baie uitsonderlike spinnekoppie op die blom raaksien, sê Angela Bruce.

Angela het die krapspinnekoppie op die madeliefie PrettyPink gedoop en dit begin dophou. Twee dae ná die eerste foto geneem is, sien sy tot haar verbasing hoe die ‘mooi’ spinnekoppie ’n by (twee keer groter as die spinnekop) op die blom takel, die by onderkry en later verorber.