Leserslens Maart 2022 Print E-mail
News - Rubrieke
Friday, 18 March 2022 13:31
Untitled Document

In ‘Leserslens’ plaas ons foto’s wat die aard en gevoel van die Bronnie se verspreidingsgebied uitbeeld, soos gesien deur die lens van ons lesers. Jy is welkom om jou foto’s te stuur aan This e-mail address is being protected from spambots. You need JavaScript enabled to view it of om dit op ons Facebook-blad te plaas. Beskikbare ruimte bepaal hoeveel foto’s ons in 'n uitgawe kan gebruik. Ons bêre alle foto’s en poog om soveel moontlik in opvolgende Bronnies te publiseer.


Dié uitsonderlik foto van ’n sonsopkoms geneem deur die katrolwiele op Cullinan se mynskag, is die werk van Ruan ‘Buffalo’ Smit


Die inwonende muishond-egpaar op Eus en Ann de Clerk se erf, het met hulle kroos kom spog


Wie wil dan waterskoene hê as die grondpaaie by Bapsfontein perfekte kaalvoetplasse bied ná ’n lekker bui reën. Ria Els het die foto geneem


Albert Bester het dié lywige hottentotsgot op sy werf raakgeloop


Waar ’n wil is, is ’n weg. Liezel Yssel het dié voorbeeld daarvan in Cullinan afgeneem


Lesers het heelwat foto’s van die uitsonderlike rooi dagbreke en sonsondergange teen die einde van Februarie in die gebied aangestuur. De Waal Venter het dié opkoms afgeneem


Tonele soos dié laat haar opnuut in sprokies en feëverhale glo, sê Laurika van der Linde


Die sonsopkoms oor die Ou Bronkhorstspruitpad en Rhenosterfontein-kruising is deur
Sumari Stone vasgevang


Die einde van nog ’n dag in Bronkhorstspruit soos deur Laurika van der Linde se lens gesien


Met die son van agter, lyk die kromsteelbek van dié geelbekneushoringvoël bykans deurskynend, sê Gene de Lange van Shere, wat die foto geneem het


Die sonstrale beklemtoon die ragfyn spinwerk. Abrihahn Goose het die foto geneem


’n Mens sou jou maklik kon misgis, maar dit is nie ’n monsteragtige groot by nie. Die veldblommetjies wat Emma Koekemoer afgeneem het, is baie broos en klein


’n Oorvloed van groen en van water op Boekenhoutskloof ná die baie reëns
Foto: Altie Potgieter


Werner Cornelius van Cullinan wys hoe helder die maan teen tien uur die nag van 15 Februarie
geskyn het


Een van die opslag-kosmosse in `Alet Erasmus se ‘wilde tuin’ wat vir blomme in die huis sorg


Albert Bester het dié steelfoto van ’n netjiese tiptol geneem


Iets bykans adelliks is in die houding van dié gans van Rooikoppies te bespeur
Foto: Johann van der Linde


Sonder sy medewete, sê Buks Barnard van Elandshoek, het dié wit werfkapokhennetjie loop nesskrop op ’n bed in die buitekamer en het op ’n mooi dag nader gestaan om met haar kroos van
sewe te kom spog


In Februarie reeds het die swaeltjies in die gebied begin saamtrek om vir die trek noordwaarts voor te berei. Emma Koekemoer het die foto geneem

 
Besoek die Suid-Afrikaanse Departement van Gesondheid se webwerf vir alle amptelike inligting en opdaterings rakende COVID-19 by www.SAcoronavirus.co.za

© 2021 Die/The Bronberger