Leserslens Oktober 2021 Print E-mail
News - Rubrieke
Saturday, 16 October 2021 06:08
Untitled Document

In ‘Leserslens’ plaas ons foto’s wat die aard en gevoel van die Bronnie se verspreidingsgebied uitbeeld, soos gesien deur die lens van ons lesers. Jy is welkom om jou foto’s te stuur aan This e-mail address is being protected from spambots. You need JavaScript enabled to view it of om dit op ons Facebook-blad te plaas. Beskikbare ruimte bepaal hoeveel foto’s ons in 'n uitgawe kan gebruik. Ons bêre alle foto’s en poog om soveel moontlik in opvolgende Bronnies te publiseer.


Rooi spel gevaar . . . Albert Bester het dié rooiperdebytjie van nader beloer


“Dans met die rooirok, die rooirok van my . . .” Só beskryf Eus de Clerk dié blomfoto van hom


Altie Potgieter het die begin van ’n nuwe dag by ’n dammetjie naby Cullinan vasgevang


Die kleurespel oor die kliprantjies van Rhenosterfontein waar Laurika van der Linde en haar man Johan hulle huweliksherdenking gevier het


As dié toneel die eerste ding is wat jy soggens sien as jy die agterdeur oopmaak, dan besef jy hoe bevoorreg jy is, sê Bianca Steyn


Ursela Joubert het dié rustende nonnetjiesuil helder oordag op Witfontein afgeneem


As sy kleinseuns, Adam en Krisjan, op sy Elandshoek-plaas, Vierkleur, kom kuier, geniet al wat leef hulle geselskap terdeë, sê Buks Barnard. Hier deel Simson die mooi, rooi rifrughond ’n geheim met Adam, terwyl Skapie, die hans kapokhennetjie, nader skrop vir haar aandagbeurt


Die mooi van nog ’n spesiale sonsondergang in Boekenhoutskloof se wêreld soos gesien deur die lens van Altie Potgieter


Die perfekte skoonheid van ’n klein, eenvoudige koringblommetjie is met dié foto deur
Albert Bester uitgelig


Noudat dit lente is, is die voëls baie bedrywig en word die Jonkers op Tiegerpoort se huilboerboon druk deur veral die swart- en witpenssuikerbekkies besoek. Runa-Marie Jonker sê dit was nogal ’n uitdaging om hulle af te neem omdat hulle die heeltyd aan die beweeg is


Die bewolkte toestande teen die einde van September het vir baie mooi sonsakdae op ’n wildsplaas in die omgewing gesorg
Foto: Emma Koekemoer 


Jana Du Plessis het dié gewone tuin akkedis in Garsfontein onder oë gekry


Die 13-jarige Erika Grobbelaar van Rayton het dié bytjie op die laventelblom onder die
vergrootglas bekyk


Ariska Schoombee het die sonsondergang op Cullinan bewonder

 
Besoek die Suid-Afrikaanse Departement van Gesondheid se webwerf vir alle amptelike inligting en opdaterings rakende COVID-19 by www.SAcoronavirus.co.za

© 2021 Die/The Bronberger