Gerhard Boshoff, ou RSA burgermag kaptein van 1RNT, Regiment Noord-Transvaal:
Ek het in Augustus in Dar-Es-Salaam, Tanzanië op ’n vlug terug SA toe gewag. Ek het die stad plat geloop om alles te sien.
Ek stap by ’n begraafplaas verby en sien die ou SA-weermagwapen op die grafte. Die begraafplaas word 200% in stand gehou. Alles is soos ‘n spogtuin met iemand wat dit permanent versorg.
Op dié grafsteen staan: “Buried near this spot: 13150 Private JP Backstrom, 3rd Regd South African INE, 17th November 1916, age 35”
Dit is grafte van twee geslagte terug [Eerste Wêreldoorlog] wat daar teen die Duitsers gaan veg het. Ek aanvaar niemand sal daarheen gaan op soek na familiegrafte nie. Ek neem toe al die grafte af, behalwe die paar Duitsers se grafte.
In die vreemde word ons voorgeslagte erken vir hulle bydrae! In totale teenstelling met wat hier by enige begraafplaas gebeur.
“In memory of the 123 soldiers and one merchant seaman who served and died in the war of 1914 – 1918 and were buried at Pugu Road and whose names are inscribed on this memorial”
Ek het gedink dit sal wel iemand se familie wees, wat dan sal klarigheid kry en stuur daarom die graffoto’s vir die Bronnie.
Die Bronnie is kosbaar.
Ons het die foto’s op lêer en lesers wat wonder of ‘n familielid daar begrawe is, kan ons vra om ‘n van op te soek. Daar is ongelukkig te veel foto’s om in die Bronnie te plaas. – Red |
