’n Nuwe radioreeks wat op verhale uit die Bronnie se koffietafelboek, ‘Toeka se Dae – Die Karakters’, gebaseer is, gaan rondom die einde van Augustus op Pretoria FM afskop.

Omroeper Martin Jansen het die Bronnie se Angie Kleijn verlede jaar gevra om stories oor karakters uit die boek te vertel. Die reeks, ‘Stories van Toeka’, is tot Desember verlede jaar uitgesaai en is vroeër vanjaar in die aande herhaal.

Vorige episodes verskyn as audio webgrepe by: http://www.pretoriafm.co.za/stories-van-toeka/. Die nuwe reeks gaan half elf Dinsdagaande uitgesaai word.

‘Toeka se Dae – Die Karakters’ kos R295, koerier- en poskostes uitgesluit. Die boek is beskikbaar by die Bronnie se Cullinan-kantoor: skakel 012-734-0522.  Tania Potgieter lewer boeke aan mense in die oostelike hoewegebied. Bel haar by 072-089-0227.