Meedoënlose reën het die eerste twee weke van Maart paaie verspoel, spruite en riviere laat oorstroom, damwalle verbrokkel en groot skade aan omheinings en boorgattoerusting aangerig. Meer as 300 mm is in dié tydperk op plekke in die gebied gemeet.

Waterpype wat onder die Rhenosterfonteinpad op Donkerhoek moes loop, het oopgespoel
Foto:Chamanda Prinsloo

Verdwaasde ouers neem foto’s van die pad wat toegang tot Tygieland in Shere moes bied Foto: Tania Potgieter . .

Vincent Yssel van Nooitgedacht en sy brakkie, Trixie, het nie op hulle laat wag om in dié dam, wat in ‘n japtrap deur afloopwater volgemaak is, te gaan swem nie Foto: Karen Yssel

Die dam op die Van den Bergs se Tierpoort-hoewe het ook oorgeloop Foto: Trix van den Berg

‘n Stukkende waterpyp op die Rhenosterfonteinpad beskadig voertuie Foto:Chamanda Prinsloo

Vir sewe jaar voor die groot reën, was hierdie 'n droëloop in die Nooitgedacht/Elandshoek-gebied Foto: Karen Yssel .

Dit was ‘n gespook om ‘n vragmotor en padskraper wat op 11 Maart voor Tygieland in Shere in die modder vasgesit het, uit te kry Foto: Michael Howard

Polisie maak die brug op die Mooiplaatspad oor die Pienaarsrivier toe. Mike Strange het laat weet dat mense nog oor die brug oor die Pienaars probeer ry het, nadat die polisie dit toegemaak het

Die Pienaarsrivier in vloed by die brug oor die Mooiplaats-grondpad Foto’s: EL-Marie Breytenbach van British 4x4

Só het dit gelyk op hoewe 258 Mooiplaats Foto: Nic Woodrow .

Die druiweplaaspad op Zwavelpoort Foto: Ivan Gomm . . .

Die dam op Hendrik Ver Loren Van Themaat se druiweplaas op Zwavelpoort moes weer die aanslag van vloedwaters ervaar nadat damme hoër op met die Zwavelpoortspruit oorstroom of gebreek het Foto: Ivan Gomm

Vroegoggend op 12 Maart het dit gelyk of die damwal op die Stofbergs se Zwavelpoortplot begin verkrummel. Dit is gevrees dat die wal gaan meegee en verspoelings langs die Zwavelpoortspruit veroorsaak Foto: John Potgieter

Die water wat by die Stofbergs se damwal uitgeloop het, het ‘n donga van ongeveer drie meter wyd en drie meter diep gespoel. Foto: Liana van Hoepen . . .

Die brug oor die Pienaarsrivier op die Mooiplaats-grondpad. Met vorige vloede is voertuie al van dié brug afgespoel Foto: Sarel Moolman . . .

Verspoelings op die Zonkololpad tussen Cullinan en Rayton Foto: Henk van de Graaf

Die dam op Ivan Gomm se hoewe, Zwavelpoort 153, loop oor Foto: Ivan Gomm

Die Mooiplaats-grondpad, tussen die Boschkop-pad en ou Bronkhorstspruitpad. As jy daar wil deur, moet jy reg in die middel hou; aan die kante sal jy bly sit
Foto: Sarel Moolman

Só het Colestraat, Shere op 12 Maart gelyk Foto: Michael Howard . . . . . . . . .

Giuliette en Gary Pretorius se vullisverwyderingsonderneming se vragmotor sit teen ons saktyd al vir 'n week in Grootfontein vas. Verskeie trekkers, padskrapers en ander masjiene het probeer om hom uit te trek maar ook in die proses vasgesit. Die blou 4x4 trekker het 'n rukkie na hierdie foto sy hele voorkant afgeskeur. Gary gaan 'n groot kraanvoertuig teen 'n koste van meer as R5 000 huur om die vragmotor van 'n afstand af in te katrol Foto: Gary Pretorius