Haelstorms, weerlig en rukwinde het die afgelope maand groot skade in die Bronberggebied aangerig.
Die storm wat op 20 Februarie op Cullinan gewoed het, het baie van die ou jakarandabome ontwortel of takke afgebreek wat paaie versper het en skade aan heinings aangerig het.

Drie huise en ’n sake-onderneming op die dorp se dakke is afgewaai en nooddienste woordvoerder, adjunkhoof Charles Mabaso, het gesê dat verskeie hutte op Refilwe deur die wind vernietig is.