Twee-en-dertig brulpaddas is
einde Januarie op een Pienaarspoort-
plot getel. Dié plot
is naby aan die sandgate waar
motorfietsryers gereeld verwoesting
saai. Inwoners sê dat hulle al
verskeie brulpaddas gesien het wat
daar doodgery is.
Die reuse brulpadda, Pyxicephalus
adspersus, is die enigste van die
125 paddaspesies in ons land wat
op die rooidatalys is.
Pienaarspoort-inwoners is ou dringend
op soek na hulp om dié
bedreigde spesie te beskerm teen
motorfietsryers wat wederregtelik
by die sandgate gaan ry.
‘n Mens sien dié brulpaddas net
een of twee keer per jaar en dit
net as dit goed gereën het. Dit is
ook net in die reënseisoen wat ’n
mens die mannetjie se brul sal
hoor wat hom sy naam gegee het.‘n Brulpadda sal net brul as hy
klaar sy gebied afgebaken het en
dan moet ’n mens op jou pasoppens
wees. Dié paddas is baie
aggressief, veral in paringstyd, en
skroom nie om indringers – hetsy
mens of dier – aan te val nie. Dit
doen hy deur dreigend op jou af te
spring en, as jy nie vinnig genoeg
padgee nie, sy skerp tande in jou
in te slaan.
Die reuse brulpadda kan tot twee
kilogram weeg. Anders as die
meeste ander paddas is brulpaddamannetjies
groter as die wyfies.
Die mannetjie kan tot 24 cm lank
word en die wyfie tot 12 cm.
Hul velkleur is ’n dowwe groen –
die mannetjies het ’n geel keel en
die wyfies se keel is roomkleurig.
Kleintjies is helder groen met ’n
geel streep teen die rug af. Die
streep verdwyn geleidelik as hulle
volwassenheid bereik na omtrent’n jaar en half tot twee jaar.
Anders as ander paddas is die
reuse brulpadda se tone baie minder
geweb. Hy het baie sterk agterbene
wat maak dat hy gate in die
grond kan grou om te oorleef in
die droë seisoene.
![](/../images/stories/feb2008/febonso1.jpg)
Reuse brulpaddas op ?n Pienaarspoort-plot in die poele water wat Januarie se groot reëns agtergelaat het. Foto: Annemarie
|