Elsabé Maré
Cullinan Bewarea het die gesogte
Meerkattrofee gewen by
die jaarlikse prysuitdelingsfunksie
van die Gautengse Bewarea-
Vereniging. Alle inskrywings is deur
die ‘Endangered Wildlife Trust’ beoordeel
en dié silwer toekenning
gee erkenning aan Cullinan Bewarea
se versorging van hul biodiverse
gebied.
Dié bewarea se voortdurende
deelname aan nasionale en
internasionale omgewingsgebeure
soos ‘Vleiland Week, Aarde Dag and
Aarde Uur’ was een van die onderskrywingspunte
vir die trofee.
Die uil hou
wag op die
draai van
die grondpad.
Daarmee saam het dié bewarealede
die insig om omgewingsbewaring
en werkskepping in ’n
projek te kombineer, soos die
wattelbome wat afgekap word en
die latte wat dan verkoop word
as netjiese heinings.
Hulle fokus ook op ’n voortgesette
reddings- en rehabilitasieprogram
en versorg die habitat van diere
soos skilpaaie en skaars paddas. Die
bewarea streef daarna om deel van
die internasionale voëlkykroete te
word deur die korrekte bewaring en
bestuur van waterbronne in die
omgewing.
Die gesogte
Meerkattoekenning
(silwer) met die
gepaardgaande
sertifikate en
medaljes
Cullinan bewarea is veral bekend
vir sy ondersteuningsgroepe wat
dadelik reageer in nood, en wat
ook in konsultasie met ander
bewaarareas, skole en plaaslike
regerings is. So probeer hulle om
optredes wat skade aan die
ekologie en kulturele nalatenskap
van die gebied doen, te verhoed. |