Die bruinjakkalsvoël is waarskynlik
die besoeker wat die
verste vlieg om die somer in
Suid-Afrika te kom deurbring.
Voëls wat in Rusland geringmerk
is, het al hier by ons aangekom
na ’n migrasietog van meer as
12 000 km.
Dié voëls broei in Eurasia en
migreer suidwaarts van Oktober
tot April. Groot swerms van
ongeveer 3 000 migrerende bruinjakkalsvoëls
is al in die midde-Ooste opgemerk waar hulle skuiling
soek teen donderstorms.
Omdat hulle nie hier broei nie,
word bruinjakkalsvoëls gewoonlik
alleen aangetref, maar groot
swerms kan rondom goeie voedselbronne
vorm. Hulle vreet insekte,
voëls, rotte en muise.
Dié voëls hou van oop wêreld en
kom dikwels in landbougebiede
voor. ’n Mens sien hulle waar hulle
op telefoonpale langs paaie gereed
sit om op prooi af te duik. Daar
word gesê dat die bruinjakkalsvoël
die beste van alle roofvoëls kan
sien.
![](/../images/stories/oct2008/octonso13.jpg)
Bruinjakkalsvoël
. |
![](/../images/stories/oct2008/octonso14.jpg)
Die bruinjakkalsvoël in vlug
Foto: UCT |
Ou voëlkykboeke het die bruinjakkalsvoël
Buteo buteo genoem.
As hulle in die noordelike halfrond
is, staan hulle bekend as Buteo
buteo vulpinus, maar as hulle suide
toe kom, word hulle deesdae in
die meeste bronne Buteo vulpinus
genoem.
Die bruinjakkalsvoël is 45-50 cm
lank met ’n vlerkspan van 102-128 cm. Sy verekleed wissel van
dofbruin tot byna swart met ligter
bruin stertvere wat streeppatrone
aan die onderkant het. Sy snawel is
grys en sy bene geel.
Die geslagte lyk eners en die onvolwassenes
lyk soos die volwassenes,
behalwe dat hulle ’n geel
oog het in plaas van bruin en ’n
smaller warsstrook aan die punt
van die stert.
Dié voëls is monogaam, maar sal ’n ander maat vat as sy eie maat
doodgaan. Hulle lê een tot drie wit
eiers. |