Hulle sê kiewiete maak die
beste ouers in die diereryk
omdat hulle vir niks stuit as
hul nes bedreig word nie. Daar is
gevalle opgeteken van kiewiete
wat ’n trop olifante van roete laat
verander het. Ons weet ook van ’n
hele paar plaaspaadjies in die
Bronberg wat vreemdsoortige
draaie maak om kiewietnessies in
die broeiseisoen te vermy.
Die kroonkiewiet, Vanellus coronatus,
is een van die bekendste voëls
in die Bronberg-gebied. Dié voël is
30 cm lank, het lang bene en ’n
kenmerkende ‘kroon’ op die kop,
wat soos ’n swart mus onderbreek
deur ’n wit stralekrans, lyk.
Hy het ’n ligte rooibruin bors wat
met ’n swart band van die wit pens
geskei word. Die bene en snawelbasis
is helder rooi en die
snawelpunt swart. Die geslagte lyk
eners.
![](/../images/stories/jul2008/julonsv.jpg) Kroonkiewiet
Foto: Wikipedia
Die kroonkiewiet kom buite broeityd
in swerms voor in ’n verskeidenheid
kort grasveldgebiede, soos’n beweide of afgebrande veld, op
braaklande, sportvelde en gholfbane.
Hulle vreet insekte soos termiete,
miere, kewers en krieke, asook
erdwurms en is op hul aktiefste
rondom sononder.
Lok
Dié voëls kan redelik mak word,
maar sal nie huiwer om
mense en diere van hul
neste te verjaag nie. ’n
Kiewiet kan selfs maak of
hy ’n beseerde vlerk het
om roofdiere en mense
na hom toe te lok en in
die proses die aandag
van die nes af te trek.
Dié kiewiet se roep is ’n kras,
harde ‘kreeeep’-geluid wat al hoe
hoër en harder word en naderhand
half histeries klink. Hulle maak ook’n ‘kree-kree-kree’ geluid in vlug en
is baie lawaaierig in die broeiseisoen.
Kroonkiewiete broei in die laat
winter en vroeë lente voor die
reënseisoen begin. In die broeiseisoen
word die mannetjies se
kaal vel-gedeeltes baie helderder.
Die mannetjies gee vliegvertonings
om wyfies na hul gebiede te lok.
As die wyfie op ’n mannetjie
besluit, sal sy hom volg in sy
vliegvertoning. Hulle kan
lewenslank maats bly.
Nes
Die nessie is ’n vlak holte in die
grond en word kenmerkend in
baie kort gras of op kaal grond
gemaak en uitgelê met klippies of
plantmateriaal. Die meeste broeiwerk word deur die wyfie gedoen
en die mannetjie help net op warm
dae, wanneer hy broei of
skadu vir die nessie verskaf.
’n Broeipaar kan meer as
een keer in ’n seisoen
broei. Twee eiers word
op ’n slag gelê en dit
neem ’n maand voor die
kuikens uitbroei. Die
kuikens, wat met
rukkende bewegings
soos opwen-speelgoed
rondhardloop, verlaat die
nes ná vier tot vyf weke.’n Kroonkiewiet kan tot
20 jaar oud word.
![](/../images/stories/jul2008/julonsv1.jpg)
’n Kiewiet op haar nes
Foto: Avian Demography Unit University of Cape Town
.
.
. |
![](/../images/stories/jul2008/julonsv2.jpg)
Kuikens hardloop met rukkende bewegings soos opwenspeelgoed rond
Foto: Avian Demography Unit University of Cape Town |
|