Die Bronberg-omgewing is deurspek met wildkampe, wildparke,
wildtuintjies en bewarias. Wild word ewe entoesiasties
aangekoop met die stigting van dié plekke, maar wanneer dit
na ’n paar jaar nodig word vir uitdunning, word die diere verwilder
en beseer. Wat is die beste manier om wildgetalle onder
beheer te hou?
Die jagseisoen is amper
op ons. Dit is die tyd
wat troppe aangekoopte
wild in die Bronbergomgewing
hulself te pletter
hardloop terwyl onkundiges
met jaggewere probeer om
dié wat die ergste beseer is
eerste dood te skiet.
Is daar ’n manier om dié
jaarlikse chaos hok te slaan?
Die Bronberg Bewaria, langs
Lynnwoodweg-verlenging,
glo so. Volgens die bewaria
se voorsitter, Henriëtte Kieser, is
boogjag die antwoord.
Sy sê dat die Bronberg Bewaria die
Universiteit van Pretoria se Natuurbewaringsdepartement
gebruik vir
advies en riglyne om die bewaria
te bestuur. Baie navorsing is gedoen
om die bewaria se ekosisteem
te bestuur en dié navorsing
het getoon watter spesies en
hoeveel van elke geslag verminder
moet word.
Na verskeie ondersoeke is daar
aanbeveel dat gegewe die bergagtige
terrein en oorhoofse kragdrade,
boogjag die ideale opsie is.
?n Rooibok en haar lammetjie in die Bronberg Bewaria
Boogjag
Henriëtte sê dat groot suksesse
verlede jaar behaal is met boogjag
in die bewaria. Baie lesse is geleer
en goeie vordering is gemaak met
die daarstel van die infrastruktuur
wat benodig word vir boogjag.
Daar is reeds twee boma-skuilings
opgerig en hulle sal vanjaar in
gebruik geneem word.
Volgens die Bronberg Bewaria is
boogjag die mees konomiese
oplossing en die enigste metode
waar jy baie selektief kan uitdun
sonder om die diere wild te maak.
Die bewaria is lid van die SA
Boogjagvereniging, is geregistreer
by die Departement van Natuurbewaring
as ’n bewaringsgebied
met spesiale permitte n vrystelling
vir boogjag, en word ondersteun
deur Suid-Afrikaanse kampioenboogjagters
en spesialiste.
Kundiges
Die Bronberg Bewaria is al
meer as sewe jaar amptelik
aan die gang. Daar is ’n baie
nou samewerking met verskeie
kundiges en instansies.
Die bewaria word gereeld
besoek deur die boomverenigings,
dendrologiese
verenigings en insekverenigings.
Die Universiteit van
Pretoria gebruik die bewaria
vir nagraadse studies vir
Prof Braam van Wyk se
studente.
Die bewaria het sy eie
brandbestrydingspan en ’n
4x4 vragmotor wat spesiaal ingerig
is vir dié doel. Verskeie laatnag en
vroegoggend wegholbrande is
verlede jaar suksesvol deur die
bewariaspan beveg.
Wild wei rondom die huise in die Bronberg Bewaria
Volgens Henriëtte moet die volgende
spesies verder uitgedun
word dié winter: blou wildebeeste,
rooibokke en hartbeeste. Die
Bronberg Bewaria is streng met
die keuring van jagters en enige
navrae kan gerig word aan
This e-mail address is being protected from spambots. You need JavaScript enabled to view it
.
Vir meer inligting oor brandbestryding
en wildbestuur, kontak
Hennie Kieser by 082-450-5921 of
vir Henriëtte by 012-811-1168. |