In ‘Leserslens’ plaas ons foto’s wat die aard en gevoel van die Bronnie se verspreidingsgebied uitbeeld, soos gesien deur die lens van ons lesers. Jy is welkom om jou foto’s te stuur aan This e-mail address is being protected from spambots. You need JavaScript enabled to view it of om dit op ons Facebook-blad te plaas. Beskikbare ruimte bepaal hoeveel foto’s ons in 'n uitgawe kan gebruik. Ons bêre alle foto’s en poog om soveel moontlik in opvolgende Bronnies te publiseer.

`Alet Erasmus sê sy sien nou al uit na die lekkerte van koue turksvye in Januarie as sy verby haar bos wat oordadig aan’t blom is stap 

’n Rooivlerkspreeu koel af in ’n waterfonteintjie in Rina McMaster se tuin

Nog ’n uitsonderlike sonsondergang soos afgeneem deur Andri Yunnie

Lesers van oral af het foto’s aangestuur van bladrose wat uitspattig blom. Marinda Smal het dié een met ons gedeel

Op ’n mooi dag laat in September het die reënwolke belowend bokant die gebied gehang, maar die belofte het toe volgens Paulina Gerber Foxcroft beskaam

Albert Bester het besluit om ’n paspoortfoto van dié bruinkopvisvanger te neem

Die luilekker van ’n Sondagmiddag spreek op plaaskat, Gismo, van Onbekend se gesig. Sy mens, Ronell van der Merwe, het die foto geneem 

‘Statig op die klippertjies’ sou die titel van dié foto van ’n selfvoldane, mooi werfhaan, geneem deur Leonie Gunter Kraft, kon wees

Die jakarandas in Cullinan se Oudorp bly maar die heel mooiste, sê Kobus Coetzee

Die takelwerk van die diamantmyn op Cullinan se hyserskag vroeg op ’n mistige oggend soos afgeneem deur Liezel Yssel

Die fyn ‘draadwerk’ van die blomsaad is deur Gene de Lange van Shere vasgevang

Skuins voor dagbreek het Eus de Clerk dié paartjie afgeneem waar hulle wag op
die eerste sonstraaltjie

Vreugde is arms vol blomme en bloeisels as die seisoen sy draai gekry het, sê Laurika van der Linde oor dié foto van haar

Aanloop na die eerste amperse donderstorm van die seisoen op Albert en Beverley Kaffka se plaas Foxhill op Rietfontein naby Rayton
Foto: Beverley Kaffka

Daar word hard gewerk om dié swartkeelgeelvink se snyerspak (of is dit vryerspak?)
gereed te kry vir die nuwe seisoen
Foto: Johann van der Linde