Met ‘n jaar wat onderstebo gegooi is deur ‘n internasionale pandemie, kon CVO-leerlinge se kunswerke nie by die landswye kunsuitstalling, wat gewoonlik jaarliks gehou word, ten toon gestel word nie. Die beeldende kuns het ten spyte van omstandighede voluit voortgegaan.
Die worshond is deur Danél van Wyk geteken
Die Beweging vir Christelik Volkseie Onderwys (BCVO), die sambreelmaatskappy waarby CVO-skole geaffilieer is, het laat weet dat die invloed van die ontwrigtende omstandighede in van die kinders se kunswerke na vore gekom het, soos ‘n gemaskerde man, wat tekenend van hierdie jaar is.
Anja van Wyk se budgie |
Daniël Tomlinson se hond |
Die BCVO berig dat werk wat uitgestaan het, onder die tema selfportret, troeteldiere en vetplante was. Kunswerke is ingedien in teken- en skilderwerk, beeldhou, kunsvlyt en fotografie-afdelings.
Die gemaskerde man is tekenend van hierdie jaar
Leerlinge neem eers plaaslik by die landswye CVO skole deel. Die beste inskrywings dring na die streeksrondte deur. Die bestes van elke streek dring dan na die nasionale rondte deur waar elke inskrywing weer deur onafhanklike beoordelaars beoordeel word.
Maré Langenhoven se kat
. |
Jacques Nel se skildery in die vetplant-afdeling |
Ansofie van Rooyen se hond
. |
Carol Roux van die BCVO het laat weet dat hulle volgende jaar weer sal voortgaan met ‘n kunsuitstalling by hulle nuwe kantore in Rubensteinrylaan, Moreletapark.
‘n Selfportret deur Mariëtte Hartzer
In ‘n brief aan vanjaar se deelnemers, skryf die BCVO: “Kuns beskik oor die vermoë om te genees, die kunstenaar sowel as die toeskouer. Julle het ons herinner dat die lewe en ons omgewing so mooi is ten spyte van die vreemde omstandighede.” |
