Gebed-lintjies wapper aan hekke in Faerie Glen om hoop aan bure te bring.
Inwoner Corinne Munro vertel dat die idee by Pieter Colyn posgevat het en dat hy die eerste lintjies aan sy hek in Waterpoortstraat, Faerie Glen gebind het. In dié gemeenskap is ‘n WhatsApp gebedsgroep gestig en elkeen wat wou, het hulle name op linte geskryf en voor grendeltyd aan Pieter en Avril Colyn se hek gaan vasmaak. Pieter het gesê dat hy elke dag by die lintjies sal staan en bid.
Pieter Colyn het gesê dat hy elke dag by die lintjies sal staan en bid
Foto’s: www.facebook.com/corinnespetitepartykidatjies
Corinne sê dat sy in die partytjiebedryf is en hordes lintjies het en dit ook aan haar hek begin bind het. Sy het op haar Facebook-blad vertel waarmee sy besig is en skielik het hordes boodskappe van mense oral oor die wêreld begin instroom.
Die hek in Waterpoortstraat, Faerie Glen
Daar was boodskappe van mense wat sukkel om kop bo water te hou en stories van verskeie uitdagings wat in die gesig gestaar moet word. Corinne sê dat sy almal wat ‘n gebed nodig het se naam op ‘n lint skryf en aan haar hek vasmaak. Sy neem dan foto’s van dié name en sit dit op haar Facebook-blad sodat mense hulle name daar kan sien.
Corinne Munro het besluit om dit by hulle hek ook te doen
. |
Name op die gebed-lintjies |
Wanneer my linte op raak, sal ek my tafeldoeke begin sny, maar aangaan sal ek aangaan, sê Corinne. |
