’n Perd wat twee jaar
gelede bykans dood
was en slegs ’n 20% kans
gegun is om ooit weer
gery te word, het met ’n
handvol eerste en tweede
plekke op die T-Skou (Pretoriase
Skou) weggeloop.
Liberty’s Anywhere Anytime,
’n volbloed reun, het
in April 2008 in sy stal
gaan lê en niemand kon
dit regkry om hom weer
te laat staan nie. Die veearts
het gesê dat Anytime
waarskynlik die Wes Nyl
virus opgedoen het. Hy
was heeltemal verlam in
sy agterbene en is net ’n
twee persent kans op oorlewing
gegee.
Juanita Jamneck van
Liberty Stalle vertel dat sy
aanvanklik die perd se
lyding wou laat beëindig.
Ná twee nagte van by
hom bly om hom elke uur
om te draai en met die
hand te voer, het sy gedink
dat Anytime se einde
onafwendbaar is. Gelukkig het haar
man haar oortuig om vir Anytime ’n
kans te gee.
![](/images/stories/sep2010/die9.jpg) Anytime as wenner op die onlangse
Pretoriase Skou
Sleep
Juanita onthou dat dit ’n Donderdagmiddag
was toe die veearts Anytime
verdoof het en dat almal by die
stalle gehelp het om hom letterlik in
die perdewaentjie in te sleep. Hy is
Onderstepoort toe geneem, waar
die veeartse ook glad nie positief
oor sy kanse op oorlewing was nie.
En as hy oorleef, sou hy waarskynlik
nooit weer gery kon word nie, het
hulle gesê.
Dit het gelyk of Anytime verstaan
wat daar gesê word en hy het sy
bes probeer om te wys dat hy saam
sal werk om weer gesond te word.
Die veeartse het besluit om Anytime
tot die Saterdag tyd te gee om
tekens van herstel te toon.
Teen daardie tyd kon Anytime nog
glad nie staan nie – nie eers met die
hulp van ’n hangverband (“sling”)
nie. Daardie Saterdagoggend het hy
uiteindelik sy bene onder homself
ingekry toe die hangverband hom
begin oplig en kon vir ’n paar
minute staan.
![](/images/stories/sep2010/die10.jpg) Anytime voor hy siek geword het
Wonderwerk
Later daardie week het Juanita-hulle
vir Anytime huis toe gevat. Die veearts
het op sy ontslagvorm geskryf
dat dié waarlik ’n ‘wonderwerkperd’
is. Tuis by Liberty Stalle het
die lang herstelproses begin.
Anytime was vol sere van dehidrasie
en moes elke paar ure handevol
medisyne kry. Die sere is behandel,
en hy is elke dag klein entjies gelei
om sy spiere te begin opbou.
Ses maande later was almal by die
stalle in trane toe Anytime vir die
eerste keer weer gery is. Einde
Augustus vanjaar het Anytime so
goed presteer op die Pretoriase
Skou dat niemand sou kon raai dat
hy twee jaar gelede amper dood
was nie.
Saam met Stephanie Terreblanche
het Anytime ’n eerste plek behaal in
die volwasse dressering nuweling 2
afdeling. Dié twee het ook tweede
gekom in die volwasse dressering
nuweling 3 afdeling en ’n tweede
plek behaal in die volwasse skoudrawwer
(‘hack’) en skou-ryperd
onder 1,63 meter afdelings. Anytime
is gekies as die reserwe kampioen
volwasse dressering-perd.
![](/images/stories/sep2010/die11.jpg) Anytime
met die sere
oor sy hele
lyf
Ruiters
Ander Liberty-ruiters het goed gedoen
in die ope klasse op dié skou.
Jessica Quinn en Liberty’s Pasella
het ’n tweede plek behaal in die
skou-ponie wat gelei word afdeling
en Pasella is gekies as reserwe kampioen
ponie wat gelei word. Dié
twee het vyfde gekom in die dressering-
afdeling vir ponies wat gelei
word en vierde in die gebruiksponie
wat gelei word afdeling.
Elisbe Kruger en Alacrity het ’n
eerste plek behaal in die junior
skou-drawwer (“hack”) en ’n derde
plek in die junior skou-ryperd onder
1,63 meter afdelings.
Nastasja Schoonraad en Firefox II
het ’n eerste plek behaal in die
junior dressering prelim twee en
drie-afdelings, ’n derde plek in die
junior skou-jagperd onder 1,63 meter
afdeling en vierde plek in die
junior skou-ryperd onder 1,63 meter
afdeling. |