Bronbergers wat dié somervakansie
met Jan Tuisbly se
karretjie ry, kan die onvergeetlike
ervaring van ’n perdestaproete
in die diverse natuurskoon
van die Rietfontein-bewarea geniet.
Die Willow Valley Perdestaproete
het ontstaan toe vier vriende van
dié gebied naby Rayton, besluit het
om hulle liefde vir perde en die
natuur te kombineer. Die gevolg is
’n rustige roete van drie of vier ure
in een van die asemrowendste natuurgebiede
naby Pretoria.
![](/images/stories/des2009/onsm7.jpg)
Liz en haar groot Friesperd, Apollo
Dié vriende is ervare ruiters en kenners
van die omgewing. Michael
bestuur die bekende Willow Valley
Farms en bly al meer as 40 jaar in die
omgewing. Jane het haar eie melkery
nie ver daarvandaan nie en teel
ook jare reeds met haar ingevoerde
Jack Russel honde. Albert bedryf ’n
letterskildersaak en teel baie besondere
Arabierperde. Liz is betrokke
by ’n rekenaardata-besigheid en
haar gunsteling uitritperd is Apollo,
’n groot, swart Friesperd.
Die Rietfontein-bewarea aan die
voetheuwels van die Magaliesberge
is deel van ’n groen strook waar
slegs beperkte ontwikkeling mag
plaasvind.
Die koppies en berghellings vorm
belangrike wateropvang-gebiede en
bied ’n habitat vir verskillende bedreigde
plant- en diersoorte. Daar is
standhoudende fonteine wat die
stroompies voed met water wat
uiteindelik in die Roodeplaatdam
uitkom.
Die Edendalespruit vloei deur die
gebied en dit is ’n lus vir die oog en
kos vir die siel om ’n rukkie daar te
vertoef.
![](/images/stories/des2009/onsm8.jpg)
Volop vis om te vang, wild om te
sien en gerieflike oornagverblyf is
wat jy by Natures Valley kan kry
Die roete begin op Albert se perdeplaas
waar menige uithourit-perd al
geteel is. Hy vertel dat die Asil
bloedlyne (‘straight Egyptian’) tot
die sukses van sy stoetery bydra.
Die teelmerries is verwant aan
Charlandre El Sharif wat in 2008 die
wêreldkampioenskap-uithourit in
Dubai oor 160 km gewen en die
beste vorige tyd met 13 minute verbeter
het. In dieselfde jaar het die
reun Baraka Bar wat deur Albert
geteel is en na die Verenigde Arabiese
Emirate uitgevoer is, die
160 km uithourit in Bahrain gewen.
Die paadjie kronkel langs rant en
vlakte verby in die rigting van
Willow Valley Farm, waar melkbeeste
rustig in die groen veld langs
mielielande wei. Michael Yeomans
vertel dat die melkery reeds in 1957
deur die bekende Harrop-Allin-familie
begin is. Die Holstein-kudde van
Willow Valley is gesond en TB- en
CA vry getoets, daarom voorsien
hulle aan die Life-Mediese hospitale,
maar ook aan baie winkels in Pretoria-
oos. Skoolgroepe van tot 100
kinders op ’n slag, besoek die plaas
gereeld om meer van die melkbedryf
en -produkte te leer.
![](/images/stories/des2009/onsm9.jpg)
Ruiters geniet die uitsig in die Rietfontein bewarea
Naby die melkplaas lê Branch-out
Tree Farms wat deur Ian Harrop-
Allin bedryf word. Hier kan ’n groot
verskeidenheid inheemse bome
aangekoop word wat Ian sal kom
aflewer.
Die perdestaproete neem ruiters
verder oor die aangrensende plaas
waar die geskiedkundige Lena
Diamantmyn is. Sowat 200 ha van
die plaas wat aan die spruit grens,
mag glad nie ontwikkel word nie.
Dis ’n waterryke, klipperige gebied
met mooi dongas en baie watervoëls
in en om die dammetjies.
Meer as 145 voëlsoorte kan in die
gebied gesien word. Die staproete
loop verby die ou diamantgat wat
nou vol water is, maar waar 50 jaar
gelede nog blink klippies uitgehaal
is.
![](/images/stories/des2009/onsm10.jpg) Getaway
se restaurant
op
die geskiedkundige
Van der
Merwe
plaas
Van die Lenamyn beweeg die roete
noord langs 120 ha weilande verby
wat aan drie kante begrens is deur
baie ou bloekombosse. Die uitheemse
bome moet eintlik nog uitgehaal
word, maar tot tyd en wyl bied die
paadjies deur die bos se koelte afwisseling.
Verder aan stap die perde oor ’n
bultjie waar die treinspoor tussen
Pretoria en Cullinan jare gelede
geloop het. Die roete is verander
omdat die ou spoor te veel kronkels
gehad het, maar die ou Van der
Merwe-stasie het behoue gebly. Dit
vorm deel van Getaway Farms waar
ou treinwaens en ’n lokomotief
omgebou is in oornagplek. Getaway
Farms bied ook Sondagetes, funksies,
konferensies en troues aan.
Met die bewarea se Soetdoringweg
stap ruiters en perde dan langs
twee wildplase van 260 ha elk verby.
Van die perd se rug af kan wild, soos
wildebeeste, kameelperde, zebras,
gemsbokke, elande en springbokke,
rustig bekyk word.
Natuurliefhebbers en hengelaars
kan ook in selfsorgeenhede op een
van die plase, Nature’s Valley, tuisgaan.
Volop swartbaars, forel en
kurper kan gevang word en wildbesigtiging-
staptoere word aangebied.
![](/images/stories/des2009/onsm11.jpg) Skoolgroepe word ontvang
by Willow Valley Farms se
melkplaas
Die roete neem ruiters nou tot by
die Edendalespruit. Langs een van
die visbelaaide damme kan ’n visarend-
broeipaar gereeld gesien en
gehoor word. Die oewer van die
spruit is redelik dig bebos en die
ruiters beweeg koeltelangs in die
rigting van The Owls
Nest, ’n moderne
‘venue’ wat teen die
noordelike hang van
die rant tussen
bosveldbome ingerig
is. ’n Welkome
verversing word hier
geniet, terwyl die
bene gerek en die
sitvlakke ruskans
gegee word. Die uitsig vanaf The
Owls Nest is asemrowend. Hier
word funksies van alle aard gehou
en is moderne oornagplek vir gaste.
Die roete beweeg nou styl op teen
die berg aan die noordekant van die
Edendale-vallei met ’n uitsig in
Cullinan se rigting.
![](/images/stories/des2009/onsm12.jpg) The Owl?s Nest bied
gerieflike funksiegeriewe in
pragtige bosveldwêreld
Die plaashuise daar onder is skielik
piepklein. In die verte lê Rayton en
links sien ’n mens die Cullinan
Diamantmyn. Dan beweeg jy oor die
kruin van die berge met seker die
verste uitsig wat ruiters ooit sal hê
oor Pretoria se buitewyke en oostelike
voorstede, Mooiplaats, Boschkop,
Shere, Silver Lakes, Wapadrand,
Die Wilgers en La Montagne
met Arcadia en sentraal Pretoria
met sy duidelik herkenbare Volkskasgebou
en die swart Reserwebankgebou
daar agter.
![](/images/stories/des2009/onsm13.jpg) Branch Out Tree Farms kweek ?n
groot verskeidenheid inheemse
bome
As jy oor die kam van die berg stap
sien jy ’n kolletjie op die verre bergtop
aan die horison; die Voortrekkermonument
en Fort Klapperkop.
Hier word ’n wyle vertoef.
Dan beweeg jy weer langsaam die
berg af en terug na Albert se perdeplek
waar jy afsaal, jou perd versorg
en self ook bietjie kan uitrus en
lekker verversings geniet.
Die Rietfontein-bewaringsgebied
vorm deel van die 35 000 ha Cullinan
Bewarea wat al verskeie kere
aangewys is as die beste bewarea in
Gauteng.
![](/images/stories/des2009/onsm14.jpg) Die perdestaproete
kronkel langs
strome en
damme verby
Vir meer inligting en besprekings
bel: Albert by Willow Valley Horse
Trails: 082 881 9333 of stuur ’n epos
aan
This e-mail address is being protected from spambots. You need JavaScript enabled to view it
.
Willow Valley Farm:
Michael, 083 644 2953
Branch Out Tree Farms:
Ian, 072 293 5541
Getaway Farms:
Letitia, 083 778 0095
Natures Valley:
Johann, 083 380 4874
The Owls Nest:
Christa, 083 288 2032 |