Skares het die terrein van die
Willem Prinsloo Landboumuseum
op 30 Mei volgestroom
om deel te wees van die jaarlikseMampoerfees.
Vir lede van die Nasionale Distilleergilde
is dit die hoogtepunt waar die
beste stokers in die land se produkte
op nasionale vlak beoordeel
word.
![](/images/stories/jun2009/geb9.jpg)
Die McLaren blaas stoom af terwyl
hy op sy beurt in die arena wag
Mense het tou gestaan om uitsoek
mampoer, witblits en likeurs te
proe. ’n Kursus vir diegene wat ’n
lisensie het, en hulle kuns verder wil
verfyn, is die vorige dag aangebied.
Bobbie en Ina van der Westhuizen
van Waboomskraal buite George het
uitgeblink. Ina se pepermentlikeur
het haar klaswenner met dubbel
goud gemaak. Bobbie is algehele
stookkampioen en het ’n skild vir sy
perskemampoer gekry en ’n beker
vir die meeste punte in alle klasse.
Lambert Badenhorst van die Wes-
Kaap was die witblits kampioen.
![](/images/stories/jun2009/geb10.jpg)
Ina van der Westhuizen se pepermentlikeur
het haar klaswenner
met dubbel goud gemaak |
![](/images/stories/jun2009/geb11.jpg)
Bobby van der Westhuizen is algehele
stookkampioen |
Die Veteraan Trekker- en Enjinklub
het ’n uitstalling van gerestoureerde
trekkers en enjins gehou. Van vroeg
af het belangstellendes om die doefdoef
van die enjins saamgedrom
terwyl die trekkers, as deel van die
arenaprogram, een vir een aan die
skare voorgestel is.
Die gerestoureerde McLaren stoomtrekker
was die hoogtepunt van die
arenaprogram. As hy gefluit het, het
almal geluister
Len Ashten, die balanseerkunstenaar,
het die skare vermaak. Die
stalletjies het ’n magdom ware gebied
en die sosaties en pannekoek
het die publiek laat toustaan.
Volgens Mariana Zdara, die kurator
van die museum, is dit dae soos dié
wat Willem Prinsloo ’n lewende
landbou-museum van nasionale
belang maak.
![](/images/stories/jun2009/geb12.jpg)
Hier kon jy daai sopies wegsit
.
. |
![](/images/stories/jun2009/geb13.jpg)
Die stroom van feesgangers het eerste
met die veteraan enjins kennis gemaak |
![](/images/stories/jun2009/geb14.jpg)
Vir kindertjies was dit ?n spel van kleure
. |
|