Tiny is ’n Rietfonteinse konyn
wat slegs 4 cm lank was toe hy
gebore is. Sy ma het hom verwerp
en die 13-jarige Michelle
Koekemoer het hom met katmelk
grootgemaak.
Ma-konyn het haar kleintjies in
Michelle-hulle se perdestalle op plot
46, Rietfontein gekry. Michelle het
gesien dat dié klein konyntjie aan
die spreekwoordelike agterspeen
suip en het besluit om maniere om
dié konyntjie se lewe te red op die
Internet te gaan opsoek.
En nee, sy het nie een van haar katte gemelk nie. Michelle het gelees
dat ’n mens nagemaakte katmelk by
’n troeteldierwinkel kan koop, wat
sy toe ook by Pets Pantry by Mooikloof kon raakloop, en het dit vir
Tiny uit ’n botteltjie gevoer.
Uit die drieling is Tiny piepklein
in vergelyking met sy sussies Angelface, links, en Gesiggie, regs
Foto’s: Sonette Smith
Voer
In die natuur drink konyntjies slegs
een maal per dag omdat konynmelk
baie ryk aan vette en kilojoules is.
Maar omdat Michelle onseker was
oor die katmelk se voedingswaarde,
het sy Tiny aanvanklik twee maal
per dag gevoer.
Tiny het baie stadiger as sy sussies
Angelface en Gesiggie gegroei en is
vandag, op die ouderdom van sewe
weke, omtrent die helfte van Angelface se grootte. ’n Kat het ongelukkig vir Gesiggie gevang. Tiny het
ook baie later as die sussies begin
gras vreet en kon nie sy linker voorpoot
gebruik nie.
Tiny is soveel kleiner as sy sussie
Angelface dat hy onder haar kan
deurloop
Onderskei
Vandag hop hy nes die ander
konyne in die huis rond en kou
Michelle se houtmeubels aan flarde
die oomblik as hy ’n kans kry.
Die maklikste manier om konyne en
hase van mekaar te onderskei is om
na die heel kleintjies te kyk. Jong
konyne is haarloos, blind en hulpeloos by geboorte. Hase word egter
met pelse en oop oë gebore en kan
gou begin rondhop.
Jong konyne word vir ’n redelike
lang tyd deur die ma gevoer, waar
jong hasies kort na geboorte self begin rondbeweeg en kos soek, terwyl
hulle ook aan hul moeders drink.
Konyne is kleiner as hase en hulle
ore is korter. Die grootte en vorm
van konyne en hase se kopbene
verskil ook.
Michelle Koekemoer het Tiny met
katmelk grootgemaak
Vreet
Hase en konyne is snags aktief en
rus in die dag. Konyne vreet vrugte
en groente tot onkruid, gras, takkies
en bas. Hulle is groot vernielers van
gesaaides en die bas van vrugtebome.
Hase maai gewoonlik nie so
erg onder landbougewasse nie en
vreet gras en laaggroeiende, kruidagtige plante.
Dié een vreemde dis wat beide
hase en konyne vreet, is hulle eie
mis. Blykbaar help die bakterieë in
die mis om voedsel in die pens te
help verteer. Die mis help skynbaar
ook om soveel as moontlik koolhidrate
en vitamiene uit die beskikbare
kos te onttrek. |
