Lieve oom Krismisvader, Dis weer ekke oom, soet Daantjie van plot 88 hier op Donkerhoek. Oom Krismisvader weet mos nog waar ons bly? Lings by die kliphek net annerkant oom Piet Perde se plek? Oom was virlede jaar hier maar toe bring oom mos per ongelik vir my ’n tweewiel baaisiekel in plaas van ’n kwatbaaik.Toemaar, oom. Ammal maak party keer foute. My ma sê so. Sy sê ammal maak foute, maar dis net my pa wat hille anmekaar maak.

Ek weet ek het virlede jaar gevra vir ’n rooie, maar hille maak nou sikke pukswartes, oom. Sal oom Krismisvader vir my liewerster hierrie jaar een van daai pukswart kwatbaaiks bring en as oom weer ’n fout maak soos virlede jaar, maak dit dan maar met ’n pert. Ok ’n swarte met lang maanhare en ’n dik nek en groot voete soos oom Wiekter Mêtfield.

Ek weet glad nie hoekom nie, maar hille noem daai soort pert ’n friets oom, maar joe oom, dis mooi perte. Tannie Cariena van oom Jan Pot van Mooiplaats het sikkes.Oom kan gan kyk.

As oom Krismisvader daar deur Bronkorstspryt kom op pad Donkerhoek toe om my kwatbaaik af te laai, kan oom sommer ’n draai maak by Koengwienie?

Dan laai oom ‘seblief sommer ’n klomp joes en ’n klomp kloes daar by hille kantoore af. Ek hoop oom het genog van dit. Ek weet nie so mooi watse goed dit is nie, maar my pa en oom Josef Blinkdam het annerdag gesit en keier en toe hoor ek hille is sommer baie kwaat oorie mense van Koengwienie joesless is en nie ’n %$%X kloe het nie.

As oom nog van dit oor het as oom nou klaar by Koengwienie was, kan oom sommer vir arme ou Snorre vannie rakbie ook van daai vat. My pa sê ou Snorre het glad nie ’n kloe nie. Wat is ’n nar oom?

Hille, my pa nou en oom Josef Blinkdam, het nog baie gepraat daai dag en oom Krismisvader moet asseblief ook ’n draai by die rigeering maak, oor hulle ok nie kloes en joes het nie en ok ’n klomp ander goed wat ek nie virstaan nie en buitendien nie vir kinners se ore bedoel is nie. My ma sê so. Ek dink hille bly innie Kaap of partykeer in Petoria ok, maar ek dink miskien was hille nie soet genog om presente te kry nie. Nou nie my ma hille nie, die rigeering.

Ek weet nou dis nie oom Krismisvader wat die babas bring nie.

Onthou oom, ek het virlede jaar geskryf my ma sê oom gaan vir ons ’n babasussie bring vir Krismis en toe bring iemand my sussie aan toe’s Krismis al laaankal verby en toe was oom al klaar hier met my verkeerde baaiisiekel. So nou weet ek dis of die ooiefaar of die glipsie, soos my pa eenkeer gesê het.

Al het ek virlede jaar gesê oom moet liewer ’n baba hondjie of ’n playsstysjin bring, is my sussie eintlik oukei, al het oom haar toe nie eers gebring nie. Maar oom het toe ook nie ’n hondjie of ’n playstaysjin gebring nie. Nou kan oom mos hierrie Krismis vir my sussie ’n klein hondjie bring en vir my boetie Neelsie ’n playstasjin, asseblief oom.

Dit sal mos nie virkeerd wees as ek net so nou en dan ok daarmee speel nie, nè oom.

Onthou oom, ’n kwatbaaik. ’n Pukswarte, of ’n friets pert as oom ’n fout maak. Dankie, oom. Van Daantjie