Twee Bronbergers het die Fauresmith perde-uithourit in Julie, suksesvol voltooi. Net 57% van die perde wat die rit begin het, het klaar gemaak.

Wilna Meiring op Amor het die rit in 10 ure en 16 minute voltooi en Geraldine Bouwer op Meira Sabrina het die rit in 14 ure en 40 minute voltooi.

Wilna Meiring op Amor
Foto?s: Fauresmith uithourit

Wilna, van Mooikloofrif, was 20ste in die standaard afdeling. Dit was Geraldine, van Kameelzynkraal, se eerste Fauresmith en sy het 39ste in die liggewig-afdeling geëindig.

Die Fauresmith uithourit van 201 km oor drie dae word as een van die moeilikste uithouritte in Suid Afrika bestempel. Vanjaar is dit van 6 tot 8 Julie gehou.

Wilna en Geraldine se perde woon en oefen op Clarawi Uithourit Plaas in Kameelzynkraal.

Geraldine Bouwer op Meira Sabrina