Die negende Cullifest vind van 30 April tot 1 Mei op Cullinan se rugbyveld plaas. Dié gewilde jaarlikse familiefees word deur die NG Gemeente Premiermyn georganiseer en trek uitstallers en feesgangers van reg oor die land.

Bring jou eie piekniekmandjie, stoele en drinkgoed en kuier vanaf 6 nm Vrydagaand 30 April saam met Flip-A-Coin en Bobby van Jaarsveld op die rugbyveld. Worsbroodjies en koeldrank sal te koop aangebied word en die toegangsfooi is R70 per persoon.

Cullinan se rugbyveld word in ?n uitstalterrein omskep

Die hekke open om 9 vm op Saterdag 1 Mei en Pieter Naudé, Gerrie Pretorius, Andriëtte Norman en die Waterkloof Hoërskool-orkes tree in die oop-arena op.

Uitstallings en kunsmarkstalletjies wissel van motors, swembaddens tot grimering, parfuum, borduurwerk, skilderye en veteraan enjins. Vir die jonger geslag is daar vierwiel pret, spring kastele, ?paint ball? en skyfskiet. ?n Wye verskeidenheid tradisionele verversings, teetuin en biertuin sal beskikbaar wees.

Saterdagaand gaan almal vanaf 5.30 nm om braaivleisvure kuier terwyl Ses Snare met Mathys Roets, Mel Botes, Blackie Swart, Wouter van de Venter, Leon Ecroignard en Thean Kotze as gaskunstenaars gaan optree. Bel Mientjie vir navrae 073-798-4614.