‘Alet Erasmus

Die Alfa Romeo Klub van Pretoria het op 23 November by die Zwavelpoort-gebaseerde Paul Jungnickelhuis van Kungwini Welsynsorganisasie besoek afgelê.

Ses Alfas en ’n plaasbakkie (met ’n Alfa-wapen op om deel van die groep te kan voel) het met ’n wavrag produkte na die tehuis gery. Nie-bederfbare produkte het gestrek van anti-perspirant vir mans en vrouens, toiletpapier, lyfseep en tandepasta tot suiker, aanmaakkoeldrank, rys en mieliemeel.

’n Paar van die inwoners was by toe die klub die produkte oorhandig het
Foto: ‘Alet Erasmus

Die klub het deur die loop van die jaar wit olifant-artikels bymekaargemaak wat later deur die tehuis vir fondse verkoop kan word. Klublede het ook ’n paar dosyn kolwyntjies geskenk wat met koffietyd daardie middag deur die inwoners geniet is.