Laerskool Tygerpoort se Tygie-toneelgroep het die ATKV-Tjokkertoneel nasionale finaal top drie met hulle toneelstuk, ‘Romeo en Juliet met tamatiesous’, gehaal.

Ná vier streeksfeeste regoor Suid-Afrika met 1 200 tjokkerdeelnemers en 67 produksies, is die top-ses-tjokkerproduksies na die nasionale finaal in Oktober genooi. ATKV-Tjokkertoneel bring slim, opwindende mini-tonele van 25 minute wat laerskoolkinders die mag van storie, taal en visuele uitbeelding laat ontdek.

Die Tygie-toneelgroep in aksie
Foto: Verskaf

Tygies is met nominasies in verskeie afdelings beloon: beste tegnies (Daniël Gilfillan, Andries Ferreira en Danél Verwey); beste tjokkeraktrise (Minke-Miné Neethling); beste ensemble; beste regisseur (Anel Wood); en beste tjokkerproduksie.