Groot fees by grootste gat Print E-mail
News - Ons Mense
Wednesday, 24 February 2010 08:30
Untitled Document

“Ons Gat is die Grootste.” Met dié slagspreuk in plek, maak Cullinan gereed vir ’n baie groot makietie met die Groot Gat Kunstefees wat op 20, 21 en 22 Maart in dié geskiedkundige dorpie gehou word.

Dit gaan nie net ’n kunstefees in die ware sin van die woord wees nie, maar ook ’n pretfees soos min. Kunsuitstallings, boekuitstallings, ’n antieke ware-mark, wyn-, whiskey-, en kaasproe, optredes deur gewilde musiek- en verhoogkunstenaars, straatoptogte, kosstalletjies, stalletjies met tuisgemaakte snuisterye, ’n reuse-biertent, en ’n groot gat skattejag sal aan die orde van die dag wees.


Die gewilde groep, Klopjag, is een van vele by die Groot Gat Kunstefees

Iets om na uit te sien is die kroning van die Groot Gat Godin. Net sjarmante, pragtige dames wat gelukkig is met hulle voller figure, mag deelneem. Een van die verhoogstukke is Liz Meiring se skreeusnaakse ‘Die dinges is ’n Watsenaam’. Van die musiekmakers wat by die fees optree is; Klopjag, Straatligkinders, Snotkop en Tweeling. Sondag word aan country- en gospelmusiek afgestaan en legendes uit die wêreld van countrymusiek, Clive Bruce, Bobby Angel, Lance James en Billy Forrest, sal saam met die jonger garde, soos Ronell Erasmus, Alanda Bothma en Chris Coetzer, optree.


Liz Meiring sal te sien wees in ?Die Dinges is ?n Watsenaam?

’n Stoomtrein van Friends of the Rail vertrek Saterdag uit Pretoria na die Groot Gat fees Jy kan plek bespreek op hulle tuisblad by www.friendsoftherail.com.

 

© 2020 Die/The Bronberger