Nuuste / Latest
Gewild / Popular

Wat sou jy ?n honderd jaar gelede vir Kersfees gekry het? Print E-mail
News - Toeka se dae
Friday, 11 December 2009 00:50
Untitled Document

’n Honderd jaar gelede het Kersvader begin om persente met ’n vliegtuig af te lewer. In Desember 1909 was vliegtuie ’n nuutjie en ‘mouterkarre’ was self nog ’n aardigheid. Ons kyk wat mans en vrouens as Kersgeskenke sou ontvang, hoe die Kersbome, Kerskaartjies en toonaangewende modes van 1909 gelyk het.

Kersvader vlieg
Kersvader pronk in ’n vliegtuig op die voorblad van die ‘New York Tribune’ van 19 Desember 1909 se spesiale Kersfeesbylaag. Die opskrif lui dat ’n hoogs moderne Kersvader nou ’n vliegtuig gebruik om geskenke dwarsoor die wêreld af te lewer.		 Kersboom
Só het Kersoggend in 1909 gelyk. Die foto behoort aan Marion Wilson en dit is haar skoonpa wat op die houtperd wieg. Behalwe vir die Kersboom en horde Kersgeskenke op die vloer, wys die foto hoe binnenshuise versiering in 1909 gelyk het.

Vliegtuig aangery
In 1909 kon Kersvader dalk ook eers sy vliegtuig per motorkar aanry. Dit is presies wat Brasiliaanse vlieg-pionier, Alberto Santos- Dumont gedoen het. Die foto is in 1909 geneem toe hy sy Demoisille mono-vliegtuig agter op sy kar na die vliegveld toe aangery het.
Skeermes
’n Veiligheidskeermes was die ideale persent vir ’n man in 1909. Dié advertensie is vir die eerste keer in die Desember 1909 uitgawe van ‘L’Illustration’ geplaas en wys ’n Gillette Veiligheidskeermes as die koning van skeermesse. Een van dié skeermesse se pluspunte was dit hulle nie skerpgemaak hoef te word nie.

Mouterkar
Dié 1909 poskaart wys dat dit ’n besonderse gebeurtenis was vir ’n gewone gesin om sy eie motorkar te hê. Die kar is ’n 1909 Weston-Super- Mare en die poskaart kom uit Tom Phillips se versameling.		 Plate
Dié advertensie vir nuwe naalde vir platespelers is in Desember 1909 deur Victor Talking Machine geplaas. Dit vertel hoe wonderlik die nuwe modelle Victor naalde is – net wat jy nodig het om Kersfees na jou gunsteling musiek te luister.

Kamera
As jy in 1909 gelewe het, sou jy jou Kersdag-foto’s waarskynlik met ’n splinternuwe Ensignette geneem het. Die Houghton Ensignette Nr 2 Z De Luxe was ’n rolfilm kamera wat opgevou kon word. Dié metaalkamera is net voor Kersfees 1909 op die mark gesit.
Pianola
Dié prentjie was deel van ’n Desember 1909 advertensieveldtog genaamd ‘Le Pianola de l’Amour’ op die voorblad van ‘La Vie Parisienne’ om mense aan te moedig om ’n pianola vir Kersfees te koop.

Mode
So het die heel nuutste bloese vir ‘dames’ gelyk in 1909. Die jongste bloesmodes is geïllustreer in Copland & Lye se 1909 katalogus vir Kersgeskenke. Blykbaar was die Franse invloed duidelik op die snit en afwerking van die bloese.
 Uniform
Dit is wat die goed geklede huishulp in 1909 gedra het volgens Copland & Lye se 1909 Kerskatalogus. Die kwaliteit van ’n bediende se uniform is gesien as ’n aanduiding van die huishouding waar sy werk, se status.


Kersdas
Of jy dit nou wil glo of nie, daar was Kersdasse in 1909. Dié das is vandag deel van die Hallmark historiese versameling en word aangedui as ’n Kersfees 1909 sydas.		 Kersfees-boek
‘The book of Christmas’ deur Mabie Hamilton Wright het in 1909 die lig gesien. Die uitgewer was The Macmillan Company, New York en die boek was net betyds om die rakke voor Kersfees te tref.

Kerskaartjies
Só het die Kerskaartjies en Kersposkaarte gelyk

Grooteet
Vir Krismis 1909 is daar wild geslag vir die grooteet wat voorlê. Die slaghuispersoneel op dié foto het dwarsdeur die nag gewerk om vars vleis op te sny vir hul klante se 1909 Kersmaal. Hulle het gewerk by Fred Hoelzle se slaghuis in Ann Arbor, Michigan, Amerika.
.
Kerslampies
Dié kerslampies kom uit die Fostoria se 1909 katalogus en kon bestel word as die ideale Kersgeskenk vir ’n vrou. Dit is gemaak van kristalglas. Die een paar het $3.75 gekos en die ander een $2.75. ’n Ekstra kers het vyf sent gekos.

Coke
Só het Coco Cola se advertensie in 1909 gelyk. ’n Botteltjie het vyf sent gekos en dit is geadverteer as ’n drankie wat jou sal opkikker, afkoel en jou senuwees sal kalmeer.		 Skeep-vaart
Indien jy in 1909 op ’n oorsese vakansie wou gaan, sou jy intens bewus gewees het van die wedywering tussen die Lusitania en die Mauretania. In Desember 1909 is kaptein Turner aangestel in beheer van die Mauretania en kaptein James T Charles is gekies as die Lusitania se nuwe kaptein.

Medisyne
Ooit gewonder oor gesondheidsprobleme in 1909? ‘We cure men’ lui dié 1909 advertensie. Blykbaar het die dokters belowe om mans te genees van sere, bloedvergiftiging, velsiektes, nier-, blaas- en urienprobleme, slym en aambeie.
Meubels
As jy vir Kersfees 1909 nuwe meubels wou koop, was dié Rococo-styl wiegstoel van hout met opgestopte sitplek en rugleuning hoog mode.

Tikmasjien
Wie sou ’n honderd jaar gelede kon raai dat tikmasjiene deur rekenaars uitgefaseer sou word? In 1909 was dié McCool tikmasjien die nuutste model op die mark.
 Borduur
In 1909 het vrouens nog borduurwerk gedoen. Dié laat 1909 uitgawe van ‘The Modern Priscilla’ se voorblad wys ’n ‘moderne’ vrou in die voorgrond met ’n swart-en-wit skets van ’n ‘outydse’ wewery in die agtergrond.

 

 

< Prev   Next >
 

© 2020 Die/The Bronberger