Marco Nel van Pretoria:
Dit is ’n paar jaar sedert ek laaste met julle gesels het. Ek het gister, 6 September, die graf gaan opsoek van die prins van Engeland, Prins Christian Victor Albert Louis Ernst Anton van Schleswig-Holstein, oor wie julle berig het in ‘Toeka se dae’ in September 2009, as ek reg onthou.

Met my nuutste foto het ek besluit om die ou foto, wat deur julle gepubliseer is, te kombineer met die nuutste en ek het toe sommer ook ’n artikel saamgestel, gekombineer uit julle ou artikel met foto’s en ander bronne.

Marco se nuwe foto, links, gekombineer met die ou foto, regs, van die prins se graf

Dalk kan julle dit gebruik. Intussen geniet ek steeds Die Bronberger.

Ons het Marco vir sy bydrae bedank en hou die artikel op lêer vir moontlike toekomstige gebruik, wanneer daar voldoende redaksionele ruimte beskikbaar is. – Red