Dis tyd vir die Nickel Kersmark Print E-mail
News - Ons Mense
Wednesday, 18 November 2009 08:14
Untitled Document

Die Nickel Kersmark word vanaf 4 tot 17 Desember van 9 vm tot 6 nm by die Paul Jungnickelhuis gehou.

Daar is 200 uitstallers wat handgemaakte items verkoop en die mark is ook oop op Sondae.

Die Nickel Kersmark is vir die eerste keer in 2001 begin en is een van die Paul Jungnickelhuis vir gestremdes se grootste fondsinsamelingsprojekte. Die mark se doel is om fondse te genereer vir die 138 volwasse gestremde persone in die tehuis. Dit is ook ’n werkskeppingsgeleentheid vir werklose mense om opgelei en aangemoedig te word om handgemaakte items te maak. Die mark dien as platform om dié produkte te verkoop.

Die Paul Jungnickelhuis ontvang net 35% van sy inkomste in die vorm van ’n staatsubsidie en daar was die afgelope drie jaar geen verhoging in subsidie nie. Dit beteken dat die tehuis op staatsubsidie drie etes per dag per persoon uit R7 moet probeer kry. Jou ondersteuning van die Kersmark kan ’n groot verskil aan dié werklose mense en volwasse gestremdes se lewens maak.

Kredietkaarte, Koopkrag en Pretorium Trust is welkom en daar is ’n teetuin vir asemskep tussen inkopies. Die Paul Jungnickelhuis is op plot 214, Zwavelpoort. Ry reguit oos met Lynnwoodweg-verlenging en jy sal die tehuis slegs 4,5 km vanaf Hans Strijdomrylaan kry. Voldoende veilige parkering is beskikbaar.

Vir meer inligting kontak Daleen Botes by 012-809-0020/1 of besoek www.kwo.org.za

 

 

 

 

 

© 2020 Die/The Bronberger