Zwavelpoort se Arabierperde en hul ruiters het weer uitgeblink by vanjaar se Internasionale Pretoria Skou.

In Junie het ons berig dat Bronbergse Arabierperdtelers ’n weghol sukses gehad het in die Nasionale Arabierperd Kampioenskappe in Parys, Vrystaat. Dié keer het El-Passo Stalle, Shiraz Arabiere en El-Samar Arabiere weer stof in mededingers se oë geskop.

Rayno van Reenen op Tehama Thee Saracen

Shiraz Arabiere
Shiraz Arabiere van plot 36, Zwavelpoort spog met Johan van Rensburg en Appalanation wat aangewys is as kampioen Engelse plesierryperd en kampioen Engelse plesierenkeltuigperd. Om El Shah-Dream het eienaar Viva Durno baie trots gemaak met sy eerste plek in die senior hingste 6-12 jaar in-hand kategorie en sy vierde plek in die top vyf senior hingste in-hand kategorie.

Laura Archer op Hasan?s Anytime Baby

El-Passo Stalle
Laura Archer en Hasan’s Anytime Baby van El-Passo stalle, plot 39, Zwavelpoort is aangewys as reserwe kampioen dresseerryperd, reserwe kampioen nuwelingryperd en reserwe kampioen ruiter. Rayno van Reenen was die junior Victor Ludorum kampioen met meer as een perd.

Rayno en Tehama Thee Saracen was ook die perd/ruiter kombinasie wat nog ’n junior Victor Ludorum gewen het. Dié twee het die volgende prestasies behaal: reserwe kampioen skoujagplesierryperd, kampioen kind/juniorruiter ryperd, vyfde in die top vyf ope ryperd-afdeling, en derde in die top vyf ruiter-afdeling. Serena Chlup en Mutazz Silver Flame het twee eerste plekke, ryperd vir nuwelingruiters en skouspogryperd vir nuwelingruiters, gekry en ’n tweede plek in die jagplesierryperd vir nuwelingruitersafdeling. Monique de Bruin en Mutazz Silver Flame het twee vyfde plekke gekry in die kinder jagplesierryperd (stap en draf) en kinderryperd (stap en draf) afdelings.

Tammy Kruger en Mutazz Silver Flame was tweede in die kinderruiter (stap en draf) afdeling en derde in die kinder ‘country’ plesierryperd (stap en draf) afdeling. Dewald Malan en Hammad Contessa was tweede in die senior volwasseruiter afdeling en vyfde in die ope ryperd-afdeling vir merries. Gerhard Potgieter en El- Passo Clariss was vierde in die afdeling vir merrievullens tussen ses en 12 maande.

Monique de Bruin op Mutazz Silver Flame

El- Samar Arabiere
Chris Hartman en El- Jamani Zalique van El-Samar Arabiere in Zwavelpoort was die kampioen volwasseruiter ryperd, kampioen skoujagplesierryperd en reserwe kampioen skouspogryperd. Marisa Brink en Jamani

Silvern Rashah was die kampioen kinder/ juniorryperd, vierde in die top vyf ruiters, vierde in die top vyf ope ryperd afdeling en vyfde in die top vyf skoujagplesierryperd afdeling.

Zwavelpoort se Arabierperdtelers wens ook vir Janelle Prinsloo en Christelle Liebenberg geluk met hulle plekke op die skou.