Nuwe Sondag Kontreimark vir die Bronberg Print E-mail
News - Ons Mense
Monday, 21 September 2009 16:14
Untitled Document

’n Nuwe mark, die Groen Vingers Sondag Kontreimark, het op 6 September by Watercrest in Lynnwoodweg-verlenging, Klipkop begin. Dié mark word weekliks op ’n Sondag van 9 vm tot 2 nm aangebied en spog met temas soos ’n holistiese Sondag, ’n troeteldiervriendelike Sondag, ’n uitvoerende kunste Sondag en ’n Sondag vir motorfietsryers.


Lekker vars plaasprodukte uit Bronberg-bodem

Behalwe vir die temas is daar elke Sondag ’n vars produkte- en kosmark, ‘paintball’ langs die rivier, ’n biertuin, wyntuin met kaas-en-wyn proe, braaivleis, perdritte, pryse om te wen, ’n karwas en goeie sekuriteit. Dié mark is vir families; kinders en honde is welkom en daar is hondeopleiding op die perseel beskikbaar. Besoekers word gevra om hulle honde asseblief aan leibande te hou.

Op Sondag 6 September was daar ’n potjiekoskompetisie wat gewen is deur Marius en Carol Engelbrecht. Volgens organiseerders het dié kompetisie soveel aftrek gekry dat hulle nou meer gereeld aangebied gaan word. Die volgende kompetisie is ’n somer potjie en dié keer gaan besoekers self besluit wie as die wenner aangewys moet word.


Marius en Carol Engelbrecht was die wenners van die potjiekoskompetisie

Besoekers aan di mark kan verversings geniet op die stoep

Demonstrasies word gereeld gehou soos die krygskuns opvoering op 6 September en die hondeskou op 13 September. Op Sondag 20 September gaan daar dansopvoerings wees wat strek van ballet tot hip hop en Salsa. Daar’s ook ’n Lexus karskou en Klitsgras Tromsirkel se ‘Alter Native’ groep tree op. Op Sondag 27 September is daar ’n Harley Davison motorfietsskou met allerhande motorfietsbykomstighede wat te koop aangebied gaan word.

Watercrest se GPS koördinate is S 025:54:00:8, O: 028:26:55:8. Vir meer inligting oor die potjiekoskompetisie, bel vir Hannah by 071-125-2983. Om ’n stalletjie te bespreek, bel vir Altie by 078-229-8809.


Perdry is mos eie aan ?n landelike mark

Krygskuns opvoering
 

© 2020 Die/The Bronberger