Die ?beast? speel gou klaar met veldbrande Print E-mail
News - Ons Mense
Monday, 21 September 2009 16:03
Untitled Document

’n Blink, rooi gevaarte met die bynaam van die ‘beast’ is deesdae besig om klaar te speel met menige veldbrand in die Bronberggebied.

Die ‘beast’ is ’n seswielige Land Rover wat omskep is in ’n moderne en doeltreffende brandweerwa wat vir geen vuur hoef terug te staan nie.

Dit word bedryf deur lede van die Mooiplaats Veiligheids Inisiatief (MVI) en behoort aan British 4X4 wat ook in Mooiplaats gesetel is.

Vuurwa
Mike Strange van die MIV vertel dat hy die rooi vuurwa by British 4X4 sien staan het en op ’n dag besluit het om hulle te nader. Jonathan Caywood van British 4X4 het sonder om te skroom die vuurwa op bruikleen aan die gemeenskap beskikbaar gestel.

Jonathan het die vuurwa in Botswana raakgeloop en aangeskaf. En in die afwesigheid van enige noemenswaardige munisipale brandweerdiens het die ‘beast’ in hierdie brandseisoen sy staal behoorlik getoon.


Mike Strange van die MIV by Mooiplaats se ?beast?

Kragtig
Tientalle veldbrande wat oor ’n wye gebied strek het al met die ‘beast’ se kragtige pompe en groot houertenks te doen gekry en die brandweerwa is ook al teen ’n huisbrand ingespan.

In een week het die wa elke dag ’n brand help blus en op die Vrydag van daardie week sommer drie, sê Mike. Hy vertel dat die kleingoed van die omgewing gaande is oor die rooi gevaarte. Dit is mos amper elke kind se droom om eendag ’n brandweerman te word. Dit was ook een van sy drome, skerts Mike, en nou het dit so wragtie ’n werklikheid geword.

Conserv
Tot dusver het hulle gehelp waar hulle kan, maar iewers moet ’n ou die streep trek, sê Mike. Daarom is besluit om die diens voortaan beskikbaar te stel aan inwoners wat by Conserv, ’n oorkoepelende veiligheidinisiatief in die gebied, inskakel.

Vir inligting oor Conserv kan Breytie Breytenbach by 012-802-1532 gekontak word.

 

 

© 2020 Die/The Bronberger