Bronberg se dr Jay is oorlede PDF Print E-mail
News - Aktueel
Monday, 21 September 2009 13:55
Untitled Document

Die Bronberg-gebied se bekende en beminde veearts, dr Peter John Jay, is op Woensdag 19 Augustus in die ouderdom van 62 jaar aan ’n hartaanval oorlede.

Dr Jay het in die begin van 2007, ná dekades in die Bronberg-omgewing, besluit om uit te tree. Hy en sy vrou Betty het aan die einde van Februarie 2007 na die Kaap verhuis.

Bronbergers het dr Peter Jay leer ken as iemand wat intens in dieregesondheid belangstel. Hy was nooit onwillig om, selfs in die laat ure van die nag, hoewes en plase in die omgewing te besoek om na ’n siek perd of bees om te sien nie.


Dr Peter J Jay en sy vrou Betty

Hy sal ook deur sy dankbare kliënte onthou word vir sy gretigheid om sy diagnose en kennis van ’n bepaalde probleem met hulle te deel.

Dr Jay was ’n kenner op die gebied van Afrika perdesiekte. Hy was in die 1980’s betrokke by die span wat onverpoos gewerk het om die verbod op die invoer van perde uit Suid-Afrika weens perdesiekte, opgehef te kry.

Toe Peter en Betty Jay hier weg is, het hulle gesê dat hulle ons kontrei se mense baie sal mis en deel van hulle “sal altyd hier bly”.

Dr Jay se begrafnisdiens is op Woensdag 26 Augustus vanuit die Doxa Deo Oos Kampus gehou. Sy jarelange assistent, Fanie Nkasana, was een van die draers.

 

 

© 2019 Die/The Bronberger