Leserslens Desember 2020 Print E-mail
News - Rubrieke
Friday, 04 December 2020 15:59
Untitled Document

In ‘Leserslens’ plaas ons foto’s wat die aard en gevoel van die Bronnie se verspreidingsgebied uitbeeld, soos gesien deur die lens van ons lesers. Jy is welkom om jou foto’s te stuur aan This e-mail address is being protected from spambots. You need JavaScript enabled to view it of om dit op ons Facebook-blad te plaas. Beskikbare ruimte bepaal hoeveel foto’s ons in ʼn uitgawe kan gebruik. Ons bêre alle foto’s en poog om soveel moontlik in opvolgende Bronnies te publiseer.


Auron Gerber het gekyk hoe Scaffy die sonsondergang op ’n wildsplaas in die
Rietfontein-gebied geniet


Dié grootkoningriethaan is deur Roelof Jonkers by Boardwalk Estate in die Faerie Glen
omgewing afgeneem


Die 13-jarige Louis Grobler van Donkerhoek het gesien hoe dié padda uit die grond uitkruip


Dié rooivink lyk skoon selfvoldaan waar hy breëbors op sy takkie sit
Foto: Albert Bester


Elaine Groenewald Hope sê as hy blom, weet ’n mens Kersfees kom nader


Altie Potgieter het die sonsondergang op Boekenhoutskloof afgeneem pas nadat ’n goeie reënbui uitgesak het


Johann van der Linde van Rooikoppies se haan, Sebastiaan, het dadelik ’n ‘houding’ as hy sien hy gaan afgeneem word


Buks Barnard van Elandshoek het hierdie kapokkiekuiken aangeneem, nadat die ma die nes verlaat het voor die hoendertjie behoorlik uitgebroei het. Buks sê hy het eers getwyfel oor die dingetjie se geslag, maar gemeet aan die ooggrimering, lyk dit hom of dit ’n hennetjie kan wees


Die plant se naam is Lewesia Contylelon, maar hulle noem dit sommer Blommetjie, sê Eus de Clerk


Dié kleurvolle toneel is onlangs deur Emma Koekemoer in ’n plaastuin in die omgewing afgeneem


Dié treffende, dog hartseer foto van die treinspoor in Cullinan wat in onbruik verval het, is deur Roxanne Dehon geneem


Christine Kraamwinkel het dié witwanguil in hulle tuin voor die lens gekry. Haar ma, Martie, spog dat sy die flits vasgehou het


Johann van der Linde sê hulle het onverwags hierdie besoeker op die plaas Rooikoppies ontvang


’n Asembenewende sonsondergang in die gebied soos deur Laurika van der Linde afgeneem


Ronell van der Merwe het dié foto gestuur om te wys hoe groen die wêreld van Onbekend ná die reën was


Helena Naudé Potgieter sê die swaeltjies wat vanjaar weer by hulle op Tweedracht kom nesbou het, is blykbaar ’n erg musikale paartjie


Die bloukopkoggelmander, helder kop ten spyt, smelt saam met die boom se bas
Foto: Katherine Jade Burgess


Johan Pieterse sê dié broeiende kiewiet en sy/haar maat, wat op sy hoewe nesgemaak het, is sommer baie beskermend en aggressief


Liezel Yssel vra oor dié goudgeel varkoor: “Is dit nou nie mooi nie?”


Vroeg op die reënerige oggend van 22 November het Eus de Clerk dié merkwaardige foto in die omgewing geneem


Die Elandsrivier by Ekangala naby die Bronkhorstspruitpad ná Saterdagoggend 21 November se heerlike reën
Foto: Driekie Williams


Op 23 November was Mari Dreyer gereed om dié sonsopkoms oor Zwavelpoort vas te vang

 
Besoek die Suid-Afrikaanse Departement van Gesondheid se webwerf vir alle amptelike inligting en opdaterings rakende COVID-19 by www.SAcoronavirus.co.za

© 2020 Die/The Bronberger