Dankie vir die Bronnie Print E-mail
News - Briewe
Wednesday, 17 June 2020 14:50
Untitled Document

Weereens was daar oorweldigende positiewe reaksie op die tweede Bronnie wat noodgedwonge elektronies uitgegee moes word. Ons plaas enkele van die boodskappe wat ons ontvang het hier. – Red:

Helena Naudé Potgieter: Wat ’n heerlike verrassing om my Bronnie weer via e-pos te kry. Baie dankie julle. Die mooiste voorblad daarby! As daar nou een goeie ding is in hierdie grendeltyd, dan is dit dat die nare Covid nie ons Bronnie kon plattrek nie!

Gideon van Zyl: Ek wil ook net my dank uitspreek vir die Mei Bronnie wat ek per WhatsApp ontvang het en die afgelope twee ure heerlik sit en lees terwyl ons in die Bronberg Bewarea sonder elektrisiteit is!

John-Ernest Fogwell: Ek wil net graag vir julle gelukwens met julle “nuwe” aanlyn Bronberger. Dit was lekker om dit nou weer te kon lees. Behalwe as gebruiker wil ek ook as DCC president vir julle gelukwens vir die entrepreneursgees onder strawwe omstandighede. Dit is so lekker om te sien hoe ons besigheideienaars positief en innoverend bly tydens dié tye.

Juanita Jamneck van Mooiplaats: Baie dankie vir julle moeite met die elektroniese Bronnie – dit werk goed. Dit was vir my baie hartseer om te lees dat Petro Lemmer-hulle van hulle plot afgedwing is. Die wetteloosheid en die hartseer wat dit veroorsaak, is ontstellend.

Eus de Clerk: Aan almal by Die Bronberger wat so hard gewerk het om ons geliefde Bronnie elektronies te publiseer: Julle is sterre!

Stienie Venter: Kan nie wag vir die Bronnie om hom weer in my hande te kan hou nie. Jinne man, dit sal wonderlik wees!

Katy Marais: Duisend dankies. Julle is tops.

Nicky Smit: Wow! Baie dankie; dit lyk goed. Dankie vir al julle moeite.

Herman Du Plooy: Baie dankie; ek waardeer dit. So interessant soos gewoonlik.

Myda Cronje: Baie dankie vir julle ekstra moeite om die Bronnie by ons uit te kry. Dankie dat julle die ekstra myl te loop sodat ons dit kan ontvang.

Marietjie Alers: Gister my elektroniese Bronnie gekry en gelees. Dankie Gerhard, Angie en span. Julle is tops!

Gnatius de Lange: ‘Great Stuff'.’ Dankie aan die hele Bronnie-span vir die elektroniese uitgawe. Dit sal lekker wees om weer die papierweergawe te kan vasgryp.

Vivienne van Dyk: Dankie, julle het weer soveel mooi positiewe insette geplaas. Geen wonder nie dat Die Bronberger so populêr is.

Austin Smuts: Hoop dit gaan goed daar by julle. Baie dankie; ek kan nie wag om dit te lees nie! Gaan dit slegs elektronies versprei word of ook ’n gedrukte weergawe? Sommer nuuskierig.

Louise Pretorius: Kan ek vra dat daar asseblief ook maandeliks vir my ’n kopie van Die Bronberger aangestuur kan word. Ons bly op Mooiplaats, maar kry net nooit een naby aan ons nie.

Louisa Marè Pretorius: Ek het gister my eerste Bronnie per e-pos ontvang. Baie dankie daarvoor.

Magda Oosthuizen: Ja, ons is baie dankbaar vir Gerhard en Angie en die res van die span.

Gustav van Aardt: Baie dankie, hoor. Dis so gaaf om dit direk op die e-pos te ontvang. Waardeer.

Gertie Stofberg: Baie dankie. Dit beur darem nou my ‘Blou Maandag’ op. Groete daar en pas mekaar mooi op.


Ondersteun die Bronnie
Ongekende omstandighede, waarin tientalle gevestigde publikasies, wat oor dekades heen te koop was, onlangs gedwing is om te sluit, noop ons om ‘n beroep op die Bronnie se getroue lesers te doen. Die Bronberger word as onafhanklike publikasie die afgelope 18 jaar elke maand gratis aan ons gemeenskap en wyer gebring. Dit is ons plesier om dié diens te lewer en ons is vasbeslote om daarmee voort te gaan. Jou vrywillige bydrae, hoe klein of groot ook al, eenmalig of maandeliks, sal baie help hiermee en oneindig waardeer word. 
Elektroniese oorplasing:
Naam:
 Bronberg Uitgewers.
Bank: First National Bank.
Tak:
 Olympus Plaza.
Takkode: 258155.
Rekening nr: 62446997407.
Soort: Tjek. 
Verwysing: Donasie (jou naam).
E-pos:  This e-mail address is being protected from spambots. You need JavaScript enabled to view it

Nuuste Koronavirus statistieke:

Aflaai van die Die Bronberger Junie 2020 in elektroniese PDF formaat:

 

© 2020 Die/The Bronberger