Nuwe naweek-kosmark skop aff PDF Print E-mail
News - Aktueel
Friday, 17 July 2009 23:40
Untitled Document

Die eerste van ’n opwindende nuwe Bronbergse kosmark word op Saterdag 18 Julie by die ruim B-House-perseel in Garstfonteinweg- verlenging gehou.

Uitstallers van elke denkbare kosproduk sal voortaan elke Saterdag van 8 vm af met pasteie, gebak, groente, vleise, kase, gebottelde lekkernye, biltong en droëwors, lekkers, tuisgebroude drankies en letterlik enigiets wat met kos te make het, gereed staan.


Rafters op die B-House perseel in Garstfonteinweg

Dinge is behoorlik aan die kook by Rafters pub & grill op die B-Houseperseel. Benewens die kosmark wat voortaan elke Saterdag gehou sal word, word ’n hele rits bedrywighede beplan om Bronbergers se naweke lewendig te hou.

Maandelikse etebyeenkomste sal op Vrydae by Rafters gehou word waar gaste die geleentheid sal kry om ’n bekende persoonlikheid te ontmoet en na sy of haar storie te luister. Die eerste van hierdie etes is op 31 Julie en die gasspreker is die bekende en beminde akteur, Zack du Plessis. Zack is veral bekend vir sy rolle in die TV-reekse ‘Orkney Snork Nie’ en ‘Vetkoekpaleis’ en as aanbieder van ‘Maak ’n Las’.


Zack du Plessis sal die gasspreker wees by die eerste Raftersmaandete

Dit kos net R100 om by te woon en dit sluit die ete in. Bel Gert van der Walt by 083-302-1076 vir inligting en besprekings. Boeresportdae, sterkmankompetisies, fietswedrenne en buiteleween 4x4 ‘expos’ is maar ’n paar van die dinge wat in die vooruitsig gestel word.

Saterdae se Rafters-kosmark maak voorsiening vir die hele gesin. Vir die kleingoed sal daar byvoorbeeld ’n speelpark en ponieritte wees en ‘lewendige’ musiek sal verskaf word.

Die kosstalletjies sal onder ruim skadudoekdakke, in ’n reuse-tent en op die onderdak stoepe van B-House ingerig word. Ruim en veilige parkeerplek is beskikbaar.


Koskraampies sal onder skadudoek, onderdak-stoepe en in ?n groot tent gehuisves word

’n Gedeelte van die inkomste wat uit die kosmark en byeenkomste gemaak word, sal aan liefdadigheid gaan. Die projek wat ondersteun word is Uncle Ben’s Den in Hermanstad waar na behoeftige bejaardes, gestremdes en haweloses omgesien word.

Rafters en die B-Houseperseel is een kilometer oos van Mooikloof se ingang in Garstfonteinweg. Om jou kosstalletjie te bespreek of vir enige navrae kan Gert van der Walt by 083-302-1076 gebel word.

 

 

 

© 2019 Die/The Bronberger