Eduardo Villa - Van Zonderwaterkrygsgevangene tot verering Print E-mail
News - Ons Mense
Saturday, 18 July 2009 01:13
Untitled Document

Elsabé Maré

’n Italiaanse kunstenaar is met die Tweede Wêreldoorlog krygsgevangene geneem en het jare by die Zonderwater Krygsgevangenekamp net buite Cullinan deurgebring.Dié kunstenaar het oor die laaste 60 jaar beroemd geword en word nou, in sy 94ste jaar, vereer. Eduardo Villa is in 1949 uit die Zonderwater Krygsgevangenekamp ontslaan en, in plaas daarvan om terug te keer na Italië, het hy gekies om in Johannesburg aan te bly. So het hy oor die jare 35 solo-uitstallings gehou en vanjaar het die Universiteit van Pretoria besluit om sy 36ste solo uitstalling ter ere van Eduardo en sy vroeëre werk aan te bied.


Eduardo Villa in April 1960 by sy huis naby Johannesburg
Foto: Grey Villet

In Junie is dertig van sy vroeëre werke by die Eduardo Villa-museum in die Ou Merensky Biblioteek op die universiteit se hoofkampus uitgestal.

Die werke fokus op die tydperk van 1944 tot 1945, die jare van sy krygsgevangeneskap in die Zonderwaterkamp, tot die jaar wat hy vrygelaat is in 1949. Onder andere is daar ’n borsbeeld wat hy van homself gemaak het, en die een van kolonel HF Prinsloo, kamp-kommandant van die Italiaanse krygsgevangenekamp. Kolonel Prinsloo is vereer vir sy insig in menslike gedrag. Sy positiewe bestuur het die gevangenes se lewensomstandighede drasties verbeter. ’n Gedeelte van die Italiaanse Krygsgevangene Museum by Zonderwater is aan hom gewy. Hier neem die borsbeeld, wat nou op bruikleen by die Universiteit van Pretoria is, ’n ereplek in.


Die Eduardo Villa Museum op die kampus van die Universiteit van Pretoria

Die Italiaanse Krygsgevangene Museum by Zonderwater buite Cullinan

Vry
Na Eduardo se vrylating uit die krygsgevangenekamp het die Lupini-familie, van die Terrazzo Fabriek in Louis Bothalaan, Johannesburg, hom gevra om drie panele te maak vir hul fabriek. Die kunswerk is later geskenk aan die Universiteit van Pretoria en staan voor die Ou Merensky Biblioteek. Die beeld toon die broers

Guiseppe en Luigi Lupini. Een van Eduardo se eerste abstrakte figure, die ‘Sitting Figure’ buite die Ou Merensky Biblioteek, is aggressief tog humoristies, verwelkom jou, maar is ook sinister en goed geplaas in die stedelike omgewing. Dit bring die fokus na die broosheid van die natuur en die aanslag wat vooruitgang op die ruimtelike omgewing maak.

Eduardo se kuns is ook op die kampus van die Universiteit van Johannesburg te sien waar heldergekleurde pype ’n sensuele ballet uitvoer.


?n Karikatuur wat Bernini van Eduardo en ander krygsgevangenes gemaak het

?n Karikatuur wat Bernini van Eduardo en ander krygsgevangenes gemaak het

Gulhartig
’n Oud-kunsstudent vertel dat hulle destyds ’n besigtigingstoer na verskeie ateljees en museums in Johannesburg onderneem het en dat die gulhartige ontvangs van Eduardo Villa haar altyd sal bybly.

Hy was toe al ’n bekende kunstenaar, maar was self daar en het ’n koppie tee saam met hulle geniet en saam gestap na die verskeie beelde en figure in die groot tuin.

Eduardo se werk word deur kenners as gedissiplineerd en eties korrek beskou. En Eduardo se opinie oor sy kuns: “To work is to live,’
sê hy.


Die borsbeeld van kol Prinsloo

 

© 2020 Die/The Bronberger