Hoeveel mense weet dat Pretoria ook ’n weggeemuur het? Ons muur is presies net soos dié in flieks waar weggooi-babas in die middel van die nag gelos word. Niemand weet wie se baba dit is nie en niemand weet wie die baba daar neergesit het nie.

Jong ongehude moeders wat nie hul babas wil hê nie kom van dwarsoor die land na ’n buiteskuifdeurtjie in die muurheining van ’n tehuis in Sunnyside. Hulle skuif die deurtjie oop, sit die baba op die rooi kussing, skuif die deurtjie toe en stap weg.

’n Sensorliggie wat in die huismoeder se kantoor flikker, is die enigste aanduiding dat daar moontlik nog ’n weggooi-baba is. Nege sulke weggooibabas word op die oomblik deur weldoeners, ver weg van die tehuis, versorg.

ATKV jeugleiers by die weggeemuur, van links na regs: Evelyn Theunissen, Cornelia Havenga, Trudie Theunissen, klein Madelyn, Illana van Rooyen en Eva du Plessis

Op Jeugdag in Junie het Afrikaanse Taal en Kultuur Vereniging jeugleiers dié babas by die weldoeners gaan besoek, babakleertjies, -kos en -geskenkies uitgedeel. Hulle het ook die 25 tehuisinwoners besoek, gesels en moed ingepraat en daarna het die jeugleiers minderbevoorregte kinders met verversings, drinkgoed en ’n Haas Das-vertoning by die Performerteater in Pretoria-Oos trakteer.

Vir meer inligting, bel vir Sakkie Kotze by 082-925-1488.