Cullifest se pret het almal betrek Print E-mail
News - Ons Mense
Monday, 18 May 2009 14:38
Untitled Document

Elsabé Marais

Vroeg die week het dit al geroer by die NG Kerk Premiergemeente op Cullinan, want op Saterdag 2 Mei was die Cullifest by die rugbyvelde.

Vanjaar se Cullifest het nie net 1000 besoekers per trein met die ‘Friends of the Rail’ gebring nie, maar almal wat vier seisoene in een dag wou trotseer, was daar. Op die ou end het die wind rustig uit die weste gewaai, net genoeg om die stoffies te verdryf, en almal kon weer en weer gaan pannekoek en koffie koop.


Die veteraan Farmall Cub het veilig tussen die besoekers deur gedreun

Die vrouens van die kerk het heerlike koeksisters gebak wat die aandfunksie se gaste om hulle lapavure geniet het. Theuns Jordaan en sy orkes het die aandkoue weggesing en nuwe vrienskappe is gou gesmee. Groot en klein het hulle speelgoed saamgebring en was dit nou met hondjies, trekkers en enjins of by die pretpark op die swaaie en ‘quad bikes,’ daar is met oorgawe gespeel.


Die koeksisterbakkery het glad verloop.

Ouers kon met gemoedsrus die dag geniet terwyl die kleingoed onder toesig in die rugbyklub se saal baljaar het. Sekuriteit was binne en buite die terrein duidelik sigbaar en by die polisie se stalletjie het lede van die Cullinanse polisiestasie wiptolle en mooi liniale aan gretige handjies uitgedeel.

Almal her hand bygesit met die open aflaai en regmaak vir die groot dag en volgens ds. Tienie de Bruyn, van die NG gemeente, het die opkoms en deelname alle verwagting oortref. Die fondse gaan baie gaatjies waar daar nood is, toestop.

.
Die hondjies het die dag saam kom geniet.

 

© 2020 Die/The Bronberger