Kreunende Kersfees-tafels word reeds 170 jaar lank met ‘n Kersklapper langs die bord gedek. Die knal van vandag se trekklappers volg in die voetspore van ‘n tradisie wat vir die eerste keer in 1847 deur Tom Smith, ‘n troukoekbakker van Clerkenwell in Londen, begin is.

Die voorblad van Tom Smith se 1928/1929 katalogus
Bron: The Kathleen Kimpton Collection

Tom het die idee op ‘n 1840 besoek aan Parys gekry toe hy gesien het hoe die Franse bon-bons in strikpapiertjies toegedraai het.

Tom Smith se Kersklappers is in dié soort verpakking verkoop
Foto: Guernsey Donkey

Terug by die huis het Tom bon-bons begin maak en toe hy agterkom dat jong mans dit vir hulle meisies koop, het hy liefdesboodskappies daarin begin sit en die omhulsels al hoe meer spoggerig begin maak.

Tom Smith se katalogus van 1903
Bron: The Kathleen Kimpton Collection

Later het hy allerhande geskenkies in die omhulsel begin sit en mense het dit vir Kersfees begin koop.

Tom Smith
Bron: Daily Mail

Tom het dié rolletjies in klappers omskep deur ‘n smal strokie salpeter aan twee dun stukkies karton vas te plak. As die kartondeeltjies van mekaar afgetrek word, is daar wrywing met die gevolglike klapgeluid. Dié proses word vandag nog gebruik.

‘n Oorspronklike stel van Tom Smith se ‘Bank of Love’ Kersfeesklappers wat in die Victoria en
Albert-museum in London uitgestal word
Bron: Daily Mail

Teen 1880 het Smith se maatskappy meer as ‘n honderd klapperontwerpe geproduseer en teen 1900 het hulle al meer as 13 miljoen klappers verkoop.