Ruiters gedenk slag van Majuba Print E-mail
News - Ons Mense
Wednesday, 18 March 2009 07:37
Untitled Document

Sewentien ruiters, van 10 jaar oud tot in die sewentigs, het op Saterdag 21 Februarie van Rayton tot Kleinfontein gery ter herdenking van die Slag van Majuba.

Hulle het om 12 vm uit Rayton vertrek en met die gewapper van ’n aantal vlae hul opwagting teen so 1.30 nm op Kleinfontein gemaak. Dié voor-fees op Kleinfontein, met uitstallings, praatjies, pannekoek, vetkoek en kerrie-en-rys, is gereël om nie te bots met die hooffees op Majuba nie, gehou van 27 Februarie tot 1 Maart.

Die Slag van Majuba was die laaste van vier militêre botsings tussen Groot-Brittanje en die Boere van Transvaal in die Eerste Vryheidsoorlog, van Desember 1880 tot Maart 1881. Die slag het op 27 Februarie 1881 plaasgevind. Die Boere se oorwinning het die Britte gedwing om Transvaal weer sy vryheid te gee, nadat dit op 12 April 1877 geannekseer is.

Dié anneksasie was ’n verbreking van die Sandrivier-konvensie van 1852.


Moe ruiters kom op Kleinfontein aan so ?n uur en ?n half nadat hulle by Rayton weggespring het

 
Besoek die Suid-Afrikaanse Departement van Gesondheid se webwerf vir alle amptelike inligting en opdaterings rakende COVID-19 by www.SAcoronavirus.co.za

© 2020 Die/The Bronberger