Die breinaalde het behoorlik gegons by Nkwe se kampterrein toe lede van die Penny Pinchers woonwaklub besluit het om getraumatiseerde kinders by te staan. Die tannies het vir die vale gebrei in ’n poging om ’n poppie aan elke getraumatiseerde kind wat onder die Cindi vereniging (Children in distress) se vlerk geneem is, te gee.

Dié tannies sê dat hulle poppies as trooskombersie kan dien. Die boodskap wat hulle vir elke seun of dogter met dié handgemaakte persentjies wil gee is: Jy is uniek; daar is niemand soos jy nie. Jy is liefdevol handgemaak.

Benewens Nkwe se Francois Liebenberg en sy vrou Trudie, is al die vrouens lede van die Penny Pinchers woonwaklub.

Agter van links na regs: Francois Liebenberg; Sarie Gainsford; Tokkie Cordiglia; Dollie de Wet; en Fillie Snyman. Voor: Trudie Liebenberg en kleindogter; Alet Coetzee; Ella Agenbacht; en Anita van Tubbergh
Foto?s: Francois le Roux