Klein kampioen wen groot titels Print E-mail
News - Ons Mense
Thursday, 04 December 2008 01:04
Untitled Document

Elbert Steyn is een van die Laerskool Witpoort se beroemdste leerlinge. Die outjie mag dalk nog in sy tjokkerskoene staan, maar daar is min kinders in die land wat braaf genoeg sal wees om dié stoeikampioen aan te vat. Selfs in Duitsland en Rusland loop sy mededingers maar doekvoet om hom.

Elbert het reeds in 2006 ’n hele klomp internasionale toernooie gewen op ’n toer vanaf Duitsland tot Oos-Europa in die hartjie van die stoeiwêreld. Hy was die enigste Suid-Afrikaner wat onoorwonne teruggekeer het.


Elbert Steyn by sy menige trofe

Sy segetog het wenplekke in die volgende toernooie ingesluit: Grand Prix in Leipzig; Internasionale Philippp Seitz Jurgendturnier in Kleinostheim; Nikolaus Turnier in Luckenwalde; en Rhein Main Neckar Turnier in Ludwigshafen. Dié boerseun uit die suidelike halfrond het in Julie vanjaar toe die Russe aangevat. Elbert het teen nege kampioene uit Rusland se Dagestan en Oos-Europa meegeding. Dagestan is die sterkste Russiese stoeibond wie se klubs ook die meeste wêreldkampioene huisves.

Hy het teen Abdurakhamanov Abdurakhman Magaromavich, wat een jaar ouer as hy is, te staan gekom en het hom in twee toernooie genoop om ’n derde rondte te stoei.

Elbert het vanjaar die volgende provinsiale toekennings gekry: beste o/11 stoeier van die jaar; president stoeier van die jaar; mees wetenskaplike o/11 stoeier; en meeste Mpumalanga kampioenskappe en hoogste punte behaal.

Elbert het ook ’n rits uitnemende toekennings ontvang soos dié vir die outjie wat die meeste proewe en kampioenskapswedstryde gewen het en die hoogste punte totaal. Hy is gekies as die president stoeier van die jaar (ouderdom onbeperk), het erkenningstrofeë ontvang van die twee Suid-Afrikaanse kampioenskappe in 2008 asook ’n individuele trofee vir sportman van die jaar. Aletta, Elbert se 13-jaar oue suster, is verantwoordelik vir sy krag- en fiksheidsoefeninge wat sy drie dae per week in hom indril.

 

 
Besoek die Suid-Afrikaanse Departement van Gesondheid se webwerf vir alle amptelike inligting en opdaterings rakende COVID-19 by www.SAcoronavirus.co.za

© 2020 Die/The Bronberger