Engelse advertensies Print E-mail
News - Briewe
Tuesday, 26 July 2016 05:06
Untitled Document

Juanita Jamneck van Liberty Stalle in Mooiplaats skryf:
Ek sien in die nuutste Bronnie twee briewe oor advertensies in Engels en dus my stuiwer in die armbeurs:

In die lig daarvan dat my naam in Louis en Jeanne Peens van Kleinfontein se brief oor Engels in advertensies genoem word en ook met die oog op Jantjie van Zwavelpoort se briefie oor Engelse advertensies, die volgende: Louis en Jeanne sal opmerk dat my naam in twee advertensies in die Bronnie verskyn – een in Engels en die ander in Afrikaans. Ek probeer dus balans hou!

Die rede vir die Engelse een is bloot prakties: Perdry is ‘n baie “Engelse” sport en ons kan nie, soos Jantjie voorstel, twee advertensies vir dieselfde doel bekostig nie. My oplossing was dus om ons partytjies in Afrikaans en die ryskool in Engels te adverteer met die doel dat diegene wat nie Afrikaans verstaan  nie – want dit is gewoonlik nie andersom nie – sal besef die partytjies word ook by Liberty aangebied en dat ons sodoende soveel as moontlik blootstelling kry.

Ek vermoed baie ander adverteerders voel dieselfde. Nogmaals dankie aan die Bronnie – dit wys ons advertensies word gelees!

 

© 2020 Die/The Bronberger