Die Universiteit van Suid-Afrika (Unisa) het die Bronnie se toestemming gevra om die artikel oor vlermuise in Augustus 2011 as voorgeskrewe leermateriaal vir hulle studente te gebruik.

~*~

Die grootste antieke- en versamelaarsveiling wat Cullinan nog gesien het word op 9 Julie by die historiese Cullinan Hotel, wat in 1905 gebou is, gehou. Die afslaers is Old Johannesburg Warehouse en die veiling word aangebied deur Christiaan Scholtz, voormalige Springbokrugbyspeler en eienaar van die antiekwinkel, Die Ossewa, in Melville, Johannesburg. Maudie Smith is besig om die hotel te restoureer en gaan ’n paar van die antieke meubelstukke uit die hotel opveil. Die veiling behels ook stukke uit Christiaan se private versameling; uit die boedel van antiek-guru Hannes Zaaiman; en van Gerrit du Plessis, eienaar van Plaaswinkel in Pretoria, se versameling. Mense wat spesiale stukke het wat hulle op die veiling wil sit kan foto’s na Maudie stuur: This e-mail address is being protected from spambots. You need JavaScript enabled to view it . Belangstellendes kan die ware reeds op 8 Julie by die hotel besigtig. Bel Maudie by 071-154-2401.

~*~

Speelgoedkas bied ‘Die Drie Varkies’ om 11 vm op 1, 2 en 3 Julie by die Barnyard Teater se musiekskuur aan. Langs die gewilde restaurant, Die Spek-Plek, bly drie klein varkies, Tjoppie, Bacon en Spekkie. Mamma Speen wil graag hê haar drie varkie-dogters moet uit die huis uit trek en elkeen ’n varkie-man kry. Rolf die rowwe wolf hoor al die planne en vermom homself as die varkie-mans. Toegang is R90. Die teater is op die hoek van Garstfonteinweg en Netcarestraat, Moreletapark. Skakel 012-368-1555.

~*~

Ons hoor dat akteur Heino Schmitt toe nie by Cullinan Junction se potjiekoskompetisie gaan wees nie. Die Vadersdag-potjiekoskompetisie op Sondag 19 Junie word deur Martin Jansen van Pretoria FM aangebied. Die wenprys vir die beste potjie is R1 000. Bel Kat by 084-579-1803.

~*~

Die Cullinan Bewarea het ’n lesing gereël om die Slag van Donkerhoek, 11 tot 12 Junie 1900, te herdenk. Prof Andre Buys bespreek op 25 Junie die verloop van die geveg. Die lesing is om 2 nm by aHa Idea Catalyst, naby die Ou Bronkhorstspruitpad (R104) en kos R100 vir nie-bewarealede, R75 vir bewarealede en R50 vir hoërskoolkinders. Verversings gaan bedien word. Bespreek voor 20 Junie by This e-mail address is being protected from spambots. You need JavaScript enabled to view it of skakel 082-681-5122.

~*~

Die staatsveearts Pretoria hou ’n sensus om te bepaal hoeveel diere daar van elke spesie in die provinsie is en om eienaar-besonderhede te versamel. Indien daar ’n uitbraak van ’n siekte in jou gebied is, sal die databasis jou as eienaar inlig van die uitbraak en datums en plekname van inentingspunte in jou gebied gee. Die vorms wat voltooi moet word is by voerwinkels soos Farmbarn, Feedzone en Bronberg Voere beskikbaar.

~*~

Ons hoor dat padwerke by die aansluiting van die Boschkop-pad met Lynnwoodweg-verlenging chaos veroorsaak het. Die padwerkers wat die verkeer moes reguleer met die oop en toemaak van die bane het glo nie radio’s gehad om met mekaar in verbinding te tree nie en het vir mekaar geskree en fluit. Enige ander fluit of gil van vebygangers het verwarring veroorsaak en ’n pad wat ontydig oop of toe gemaak is.

~*~

Rayton en Cullinan se buurtwag samel water in vir Kroonstad, waar die bejaardes glo nie by die dam kan uitkom nie. Diegene wat nie water het om by te dra nie, kan leë houers of bottels gee vir die boorgatwater wat geskenk word. Water en houers kan by GR Computers oor kant Rayton Biltong en Braai afgelaai word.

~*~

Vincent, links, en Edwin, regs, van de Wiel met een van Vriende van die Faerie Glen Natuurreservaat se boomontwortelingsapparate. Hulle het besluit om die uitroei van indringerplante deel van hulle weeklikse oefenprogram te maak. Die vriende reël ’n indringerplant uitroeisessie op Sondag 10 Julie vanaf 8.30 vm. Bel vir Jaco Engelbrecht of Louise Kritzinger by 071-140-4412 of 072-275-0614 of stuur ’n e-pos na This e-mail address is being protected from spambots. You need JavaScript enabled to view it .

~*~

Neil Somers kuier by die Weiveld in Zwavelpoort vanaf 7 nm op 25 Junie. Neil is vir ’n Huisgenoot- Tempo toekenning vir Beste Nuweling vir 2009 genomineer. Hy is ook by Rapport se Vonk-toe-kennings vir Beste Manlike Solo Kunstenaar 2009 genomineer. Kaartjies kos R50. Weiveld is waar die Boschkop-pad by Lynnwoodweg-verlenging aansluit. Skakel 071-471-6698.

~*~

Die Windpomp handwerkmark is elke laaste Saterdag van die maand van 8 vm tot 2 nm by Broodblik en Koffiepit op die R51-pad tussen Bapsfontein en Petit. Bel Adele by 083-445-1608.

~*~

OAK Youth Theatre presents ‘Thumbelina’ at the Atterbury Theatre from 16 to 22 July at 3 pm. An all youth cast bring Hans Christian Andersen’s classic tale to life as Thumbelina conquers the big world in search of true love. Tickets for adults are R120, for children and pensioners R100, and block bookings for 20 or more people are R90 per person. The theatre is at 4 Daventry Street, Lynnwood. Book at 012-471-1700.

~*~

Die Silver Creek Mountain Band tree elke Woensdagaand vanaf 7 uur by Monte De Dios op plot 106 Achillesweg in Zwavelpoort op. Toegang is R70. Skakel 087-654-4458.

~*~

Die Cullinan Bewarea bied ’n skoolveldwagterskursus aan vir kinders wat in die natuur en die bewaring daarvan belangstel. Leerders van graad een tot graad 11 sal in graad-toepaslike groepe op ’n prettige en ontspanne wyse opgelei word in die beginsels van biodiversiteit en bewaring. Die kursus duur drie dae en word van 14 tot 16 Julie aangebied vir al die grade en van 6 tot 8 Oktober vir graad agt tot 11. Kontak Joan du Toit by This e-mail address is being protected from spambots. You need JavaScript enabled to view it .

~*~

Friends of the Faerie Glen Nature Reserve has arranged a geology walk with prof Adam Bumby on Saturday 23 July at 9 am. Meet on the lawn in front of the entrance building and take a hat and water. The cost is R50 for nonmembers. Phone Jaco Engelbrecht or Louise Kritzinger at 071-140-4412 or 072-275-0614 or send an e-mail to This e-mail address is being protected from spambots. You need JavaScript enabled to view it .

~*~

Francois van Coke tree op 15 Julie by Rafters oorkant Mooikloof op. Francois se vertoning begin om 9 nm en word voorafgegaan deur Wit Kasteel en Vintage Kings. Rafters is op die hoek van Blesbokstraat en Garstfonteinweg-verlenging. Toegang is R120. Bespreek by 082-600-3469.