Leeus en liefdesverhale vir Mooiplaats se Adele Print E-mail
News - Ons Mense
Wednesday, 23 April 2008 02:00

?As daar nie ?n leeu iewers brul of ?n luiperd rondsluip nie, moet jy maar wonder of ek die boek geskryf het.?

So spot Mooiplaats se Adele Reynders, ?n kunstenaar wat ?n paar jaar gelede liefdesverhale begin skryf het. Sy woon en werk op ?n plot in Mooiplaats, maar haar hart behoort aan die bos en sy bring baie naweke deur in haar huis in Marlothpark. Hare is juis die huis wat aan een van haar gunsteling skrywers, Pieter Pieterse en sy Ingelsman, behoort het. Pieter is in 2002 wreed vermoor by hierdie huis.


Adele voor een van haar leeu-skilderye

Of daar iets spookagtigs aan diť huis is, sÍ Adele nie. Maar miskien is dit iets aan die huis se atmosfeer wat haar laat begin skryf het. Een van haar liefdesromans, Man van vele talente? speel juis in Marlothpark af. Dit is hier waar die heldin ?n rustiger lewe wou gaan lei om weg te kom van misdaad af en om leeus aan die verkeerde kant van die wildtuin se heining te sien. ?Ten minste kan ek Farm Inn se leeus van hier af hoor brul,? vertel Adele van die Mooiplaats-woning waar haar skilderye ? en natuurlik is ?n hele paar daarvan van leeus ? die mure vol hang.

Bos
Adele het bekend geword as kunstenaar met ?n groot liefde vir die bos en al sy inwoners. Behalwe vir haar skilderye, illustrasies en sketse van diť inwoners sal elkeen wat ooit lapverf gedoen het, haar ontwerpe herken.


Adele woon en werk op ?n plot in Mooiplaats

Sy is die mens wat baie van die bekende ontwerpe op die lappe gedoen het wat in kuns- en handwerkwinkels verkoop word. Adele het ook stempel- en stensilontwerpe wat in diť winkels versprei word, gedoen en haar reekse kaartjies is landwyd beskikbaar. Adele het die grootste deel van haar loopbaan aan kuns gewei en dit is juis deur haar illustrasies vir tydskrifte wat die skryfgogga haar gebyt het. Haar artikels en illustrasies het dikwels in ?Custos?, ?Toktokkie? (van die ?Wildlife Society?) en Threads & Crafts? verskyn. Haar droom was eintlik om ?n natuurbewaarder in die wildtuin te word, en dit is wat sy begin studeer het. Sy is egter afgeraai om diť loopbaan te volg omdat dit blykbaar nie ?vir ?n vrou? was nie.

Illustrasies
Adele het ?n BA graad met kunsgeskiedenis en kommunikasiekunde gedoen en later ook grafiese kuns aan die Technikon studeer. Voor sy by tydskrifte beland het, het sy vir ?n museum in Suid-Wes gewerk en administrasiewerk by die Parkeraad gedoen.


Adele by haar sketse van Afrika se bosbewoners

Sy het illustrasies vir ander mense se boeke gedoen ? soos dominee Nico Ligthelm se boek, ?Skakerings van emosies? ? en ook ?n geÔllustreerde gids vir Marlothpark saamgestel. Toe die skryfgogga Adele egter byt het sy, soos sy dit stel, met ?n ?bang? weggespring en nege liefdesverhale in ongeveer twee jaar geskryf. Die boeke wat reeds beskikbaar is, sluit die volgende in: van vele talente?, ?Ompaaie na die liefde?, ?Optelkinders van die Maangod?, ?Die vrou in die roosbedding? en ?n kompetisieboek
genaamd ?Vuur van verlange? wat nou by Tafelberg Nasionale Boekhandel wag vir uitslae.

Ontvou
Adele sÍ dat die verhale ontvou uit die alledaagse dinge wat om haar gebeur, iets wat iemand sÍ of selfs uit koerantberigte. Haar vriendinne verskyn dikwels as karakters in haar verhale Sy beskryf haar boeke as liefdesromans met ?n spanningslyn, maar noem dat twee van die boeke as spookstories beskryf kan word. Kom diť spoke ook uit haar alledaagse ervarings? Dalk in Marlothpark? Van Adele se boeke is by Lapa Uitgewers beskikbaar, maar kan ook direk by haar bestel word by
082-323-2848. Vir meer inligting besoek: www.adelereynders.co.za.


Een van Adele se kaartjies
 
Besoek die Suid-Afrikaanse Departement van Gesondheid se webwerf vir alle amptelike inligting en opdaterings rakende COVID-19 by www.SAcoronavirus.co.za

© 2020 Die/The Bronberger